SAM 30 - Cho Bible Common Language 2016

M’hlüngtai ne Taigü

¹ Bawipa, na na hun ah hmawk la ka gaa gui naw kä ami na gaih tu vai ah na hteh püi ä, ka ning m’taam ci nei.

² O Bawipa, ka Khanpughi, Na nam htei vai ah kyap ne ka ning yoi ci nei, nang naw na nam gai ci,

³ ng’cim hmun ungka na na gung ci. Kei cu m’htei kho bü ne ka hteit ci, cun ung phi ka ghin nak cu na na shum ci.

⁴ Bekhüt ciah ak chang gui, Bawipa m’taam ne ng’äi vä! Ak theing cim tumat ah bi cu shüm ba vä, ani cu yei nah vä.

⁵ A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

⁶ Kei cu ngaih gep neta, ka mät ka ng’thu ci, “Kei cu a i naw kä na haw khai.”

⁷ Nang cu kei ah khan ah na nik ci, Bawipa; Nang naw kei cu khomhtung tai ah mäih ah na na shung vong ci. Cun ung phi kä ka ning hmuh vai ah ng’thup ci sei, kei cu ka kyik ci nei.

⁸ Bawipa, ka ning khü ci; Na nam htei vai ah ka ning hui nak ci:

⁹ “Kei ka sih ung a i na gah khai? Kei ng’cim hmun ah ka gawk ung, a i k’pawih khai ang? Aksi gui naw nang ning m’taam khai gui ang? Kä di hlawt ciah nang ah ni nak cu shäü hlawt khai gui ang?

¹⁰ Bawipa, na ngai ä, na chimgein ä! Bawipa na m’htei ä!”

¹¹ Kei ah thüi nak cu yei ne ng’lam nak awn na na m’thawng pek ci; Nang naw ka thüi nak avan cu la yawp ne, yeikyai nak awn na na kiung ci.

¹² Cun ah kyasei, kei cu kä ka dim düt khai; Kei naw ng’äi awn ka ning m’taam khai. Bawipa, nang cu ka ning Khanpughi nei, kei naw angtäi sei ka ning yei nak khai nei.