SAM 3 - Cho Bible Common Language 2016

Ana M’htei Vai Ngawi Lam ah Taigü

¹ Bawipa, ka ga da aih ci nei, Kei na hnu ng’tuk püi cicu da ci nei!

² Ngami naw kei ah mawng pyen ne ng’htau u ne, “Khanpughi naw kä m’htei khai nei” cik ci gui.

³ Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

⁴ Kei naw Bawipa cu ana m’htei vai ah ka khü ci, Ani naw a khomhtung theing ung om ne na m’shang ci.

⁵ Kei cu ng’yän ne ka ip ci, Bawipa naw amü pum na m’htei ci.

⁶ A kit päng ung veing ne nak koi ciah ga phya khak phi kä ka kyih ci.

⁷ Law ä, Bawipa! Na hun ä, Ka Khanpughi! Ka ga gui avan cu na m’kyuk gui ci, Ami na huut nak ah huham phi maih sak ci.

⁸ Näng nak cu Bawipa ungka lawk ci nei. Ani naw a chang gui cu hrilham pe gui sä.