SAM 29 - Cho Bible Common Language 2016

Puikho akhi yah ung Bawipa ah K’aw

¹ Bawipa cu m’taam vä, nangmi khankho chang gui; abämang nak la a huham cu m’taam vä.

² Bawipa ah bämang ciah aming cu m’taam vä; Theingcim ci tumat a dang law ung ama ah kawp vä.

³ Bawipa ah ak’aw cu tuinu ah khan ah ng’yak nei; ng’hmum kyeek ciah Khanpughi bäkhäk nak la ak aw cu tuinu ah khan ah ng’shan lawk ci nei.

⁴ Bawipa ah aw cu a bämang nak la a küikyang nak ung ng’yak nei.

⁵ Bawipa ah aw naw cedar sing cu cheiuh ne, Lebanon kho ah cedar sing gui cun phi hnget sak ci nei.

⁶ Ani naw Lebanon ah khomhtung gui cu k’tüü hta ah mäih ah ng’hlü sak ne, Hermon m’htung cu sei hta ah mäih ah zon sak ci nei.

⁷ Bawipa ah ak aw naw kho lailäp ne ng’shü sak ci.

⁸ Ani ah k’aw naw bungpuk phi thüng sak ci; Ani naw Kadesh bungpuk phi thüng sak ci.

⁹ Bawipa ah ak aw naw Oak sing ghing gui phi thüng sak ne, Sing hnah gui phi kyawi sak ci, Cun sang ung pum im kyong ah chang avan cu “Khanpughi bämang sä” cine m’lau ci gui.

¹⁰ Bawipa naw tui thuuk phi avan uk ci, ani naw ghangpughang ah kya ne angtäi sei uk ci nei.

¹¹ Bawipa naw ak chang gui cu thagui k’be gui ne, dimdeeih nak hriham pe gui ci nei.