Biblia Todo Logo
Bib sou entènèt

- Piblisite -

SAM 24 - Cho Bible Common Language 2016


Ghangpughang Mang

1 Khomdek khan la a cun ung om ci phung cu Bawipa ah kaa ah kyak ci; Khomdek la akhan ah om ci pung cu ani ah kaa ah kyak ci.

2 Ani naw a cun cu m’dek ah ka, tui li thuuk ung co ne, tuinu ah khui ah tungkhaw k’süm ci.

3 Bawipa ah khomhtung ah hang kai khai cu a u ang? A pum im theing ung va lut khai cu a u ang?

4 Cun ah chang gui cu, ami bi theing ne, ami ngaih ng’cim ci, a gup kä khawihnah ci gui, akshe ah shai kä tak ci gui ah kyak ci.

5 Bawipa naw ngami cu hrilham pe gui ne, hun gui ci; Khanpughi naw düng ne ni sak gui ci.

6 Cun gui cu Khanpughi ah lawk ciah chang gui, Jakob ah Khanpughi ah ma ah lawk ci gui ah kyak ci.

7 M’kawtnu gui cu m’auh vä, caupui m’kawt gui cu hmawng vä, ghangpughang mang cu lut lawk khai nei.

8 Ghangpughang mang cu a u ang? A ni cu Bawipa, gai ci, m’gäi ci, Ng’tuk nak ung näng ciah Bawipa ah kyak ci.

9 M’kawtnu gui cu m’auh vä, caupui m’kawt gui cu hmawng vä, ghangpughang mang cu lut lawk khai nei.

10 Ghangpughang mang cu a u ang? Ani cu, hlüngtai ciah Bawipa, Ghangpughang mang nei!

Cho Bible Common Language © Bible Society of Myanmar, 2016.

Bible Society of Myanmar
Swiv nou:



Piblisite