SAM 23 - Cho Bible Common Language 2016

Bawipa cu Mi Htoshäm

¹ Bawipa cu ka htoshäm ah kyak ci; Kei cu kä ka dukhaih ci.

² Khu ah li nak ah na ng’düm püi ne, tui ah gei nak ah na hteh püi ci.

³ Ani naw thagui akthai na pek ci. A shaitak ah mäih ah düng ciah lam phi na m’shüm ci.

⁴ Sih nak ah khomü ung ka gawk law ung phi, kä ka kyik khai nei, Nang, Bawipa naw na om püi ne, Nang shopawng la nak htei pawng awn na shungvong ci nei.

⁵ Ka gaa gui ah hmuh vai ah, nang naw mang ei na na chaam ci; Nang naw chang m’sui ne, khin ah na na dou ci, ka khap phi pleip khai ah na na k’be ci.

⁶ Na ni nak la na m’hni nak cu ka ghin nak avan ung om ciah ka hmat ci; Bawipa ah na ghui im ung kei cu angtäi sei ka om khai nei.