SAM 20 - Cho Bible Common Language 2016

Näng Vai ah Taigü

¹ Na khüikha yah ung Bawipa naw na thu ning m’shang sä! Jakob ah Khanpughi naw ning m’htei sä!

² A pum im ung om ne nang cu ning m’htei ne Zion m’htung ungka naw khükhän nak ning pek ci.

³ Na pektaak phung cu ning dou pe sä, Na khawihnah nak avan ung yeikyai nak om sä.

⁴ Na ng’yak hlü cu ani naw ning pe sä, Na pawngpüi avan na näng vai ah ning pyang sä.

⁵ Nang ah na näng ah hmawk ah keimi yei ne kami m’lau khai, mi Khanpughi m’hlüngtai ne, na m’khütnäng nak kami pawi khai. Na ng’zoih phung cu Bawipa naw ning pe sä.

⁶ A ghü ah ghangpughang am Bawipa naw näng nak a pek cu tuhbäi kei naw ka hmat ci nei; Ak khankho theing ah om ne, ani cu m’shang ne, a huham awn näng nak küi cu pek ci nei.

⁷ Am shah cu ng’tuk mei awn ng’tau sei, amshah cu ng’se awn ng’tau ci, cun ung phi keimi cu kami Khanpughi Bawipa ah hlüngtai nak awn kami ng’tau ci.

⁸ Cun ah chang gui cu ng’neim ne kyuk khai gui, cun ung phi keimi läi cu tho ne kami düi khai.

⁹ O Bawipa, ghangpughang cu näng nak pe ä; Kami ng’khü cu na m’shang gui ä.