SAM 149 - Cho Bible Common Language 2016

M’taam nak ah Ng’äi

¹ Bawipa cu m’tam vä! Bawipa am ng’äi k’thai m’cu vä; Bekhüt ciah ak chang gui ah ng’cut nak ung, Bawipa cu m’tam vä!

² Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;

³ Ng’laam ne ang ming cu m’tam vä; k’hting la k’bei tum ne Bawipa cu m’tam vä.

⁴ Bawipa cu ak chang gui ung lünlawi ci; M’lung neim ci gui cu näng nak awn m’tam gui ci.

⁵ Khanpughi ah chang gui cu ami näng nak ung yeikyai u sä, mü pum yei ne ng’äi m’cu u sä.

⁶ Khanpughi m’tam ne m’lau ne ng’shäu u sä, ami m’htak khim kawt ne m’lau u sä.

⁷ Chang pakhui gui hnim u sä, Chang gui m’kyuk u sä;

⁸ Ami ghangpughang gui, gui awn khit u ne, ami bawi gui m’si gui awn pin u sä;

⁹ Khanpughi ah ang thumkhän ah mäih ah changpakhui gui cu m’kyuk u sä. Shin cu Khanpughi ah chang gui ah näng nak ah kyak ci nei. Haleluyah!