SAM 142 - Cho Bible Common Language 2016

Ana M’htei Vai ah Taigü

¹ A na m’htei vai ah Bawipa cu ka khü ci nei; Ani ka ng’pa nak ci nei.

² Ka pyen vai avan ka law püi ci, ka khüikha nak avan ka m’thein ci.

³ Kei cu m’lung k’si ge vai ne ka kyak ung, kei naw a i ka bi vai cu ani naw hmat ci. Ka hteh nak vai ah lam ung ka ga gui naw ng’thup ne na k’dum ci gui.

⁴ Ka pei yum ah ka teng ung, kei na m’htei khai kä ka hmuk ci, na shungvong ci a u kä om ci.

⁵ Bawipa, na tengkhen ci a u kä om ci nei. Na na m’htei vai ah ka kyap ci nei; Nang, Bawipa cu ka ning yii nak nei. Ka ghin yah ung ka ng’yak hlü avan cu, nang ah kyak ci nei.

⁶ Na na m’htei vai ah ka kyah cu na ngai ä; Kei cu ng’zom ne ka ng’neim ci nei. Ka ga gui ah kut ung na hun ä, ngami cu gai aih ci gui nei.

⁷ Kei cäi ng’ä nak ungka na m’hlawt ä; kei ah khan ah nani ah hmawk ah na chang gui ah ng’cut nak ung ka ning m’tam khai nei.