SAM 141 - Cho Bible Common Language 2016

Mühun Lam ah Taigü

¹ Bawipa, ka ning khü ci, tuhbäi na m’htei ä! Ka ning khü ung na ngaih pe ä.

² Ka taigü cu ang ui ah mäih ah kakut ka shäng cu mühun lam ah khawihnah ah mäih ah na dou pe ä,

³ Bawipa, ka m’gawng cu na ngäng pe ä, ka m’nei m’kawt cu na k’bawm ä.

⁴ Cheishoh hlü nak la changshe gui ah shetkat nak ung kä ka ng’gui tu vai ah na k’pang ä. Ngami ah ei awk kä na ng’tei pai en tu sak ä.

⁵ Changni naw kei cu na m’kyuk sä, m’gein nak awn na m’cäi sä, cun ung phi changshe ah m’taam nak cu kä ka dou phung khai nei. A i ah kyasei ci ung ngami naw akshe ami bi gui cu, kei naw angtäi sei hnu ng’tuk püi ne ka taigü ci nei.

⁶ Uk gui ciah ang vai gui cu lung k’song khan ungka naw ami buh tawn gui ah akyak ung, chang gui naw kei ah ng’thu cu hman ciah ng’kya khai gui nei.

⁷ Sing cu chu neta theh ah mäih ah, ami guh gui cu ng’cim hmun pei ah ng’zaih ci gui nei.

⁸ Cun ung phi m’gäi ciah ka Bawipa, nang ung ng’pang ne ka zumhtek ci nei. Na na shungvong nak vai ka shui ci nei, kä na sih en sak ä!

⁹ Ami na cuun ah keng ung na shung ne, changshe gui ah thawng ung na k’phyawn ä.

¹⁰ Kei cu phyawng ne ka hteh yah ung changshe gui cu ami mät ah cun ung ng’awk ba u sä.