SAM 14 - Cho Bible Common Language 2016

Chang ah Shetkatnak

¹ Chang k’ang gui ami mät ng’htau u ne, “Khanpughi kä om ci nei” cik ci gui. Ngami cu chei yawp ci gui, Ak tüük khai gui bi lo ci gui; Düng ci bik ci tumat phi kä om ba ci.

² Bawipa naw Khankho ah om ne, Cüivai ciah chang la ani khawihnah ciah chang a om la kä a om cu hniciim chang gui ung yuk teng gui ci.

³ Chang gui cu lam hma yawp ci gui; Ami van shekha yawp ci gui, Akni ah bik ciah chang tumat phi kä om ba ci, tumat phi kä om ci.

⁴ Bawipa naw, ng’shi gui ne, akshe bik ci gui ami van cu ang laam u ne ang? A i kä hmat uu ne ang?” Ngami cu ka chang gui gut tep ne om ci gui, Kei ah kä taigü phung ci gui.

⁵ Cun ah kyasei ngami cu kyikyawk khai gui, Khanpughi naw ani ngai cicu om püi ci.

⁶ A she bik ci gui naw m’lung ng’neim ci gui ah m’lung ngaih cu m’shet ci gui, Cun ung phi ngami cu Bawipa naw m’htei gui ci.

⁷ Näng nak cu Zion m’htung ungka Israel gui ung gawk law khai, ciah ka taigü ci. Bawipa naw ang bühmang law ba sak gui ung, Israel chang gui cu ang htei ah yeikyai khai gui nei.