SAM 138 - Cho Bible Common Language 2016

M’küi M’to ne Taigü

¹ Bawipa, ka m’lung kyong avan awn ka ning m’hlüngtai ci nei; a hei khanpughi gui ah ma ah ng’äi awn ka ning m’tam ci nei.

² Theingcim ciah na pum im man ne, m’khuukdong ne na ming ka m’tam ci nei, a i ah kyasei ci ung ng’täi ciah na m’hni nak la na bekhüt nak ah hmawk ah kyak ci, a i ah kyasei ci ung na ming la na thumkhän a hlüngtai ah hmawk ah kyak ci.

³ Kei naw ka ning khü ung nang naw na na m’shang ci; Na tha gui awn thagui na na k’be ci.

⁴ Bawipa, m’dek ah khan ung ghangpughang avan naw ning m’tam khai gui nei, a i ah kyasei ci ung ngami naw na shaitak cu ng’ya pyi ci gui nei

⁵ Ngami naw na bilawh ah mawng la dämduh ciah na bäimang nak ah mawng cu ng’äi ah m’cu khai gui nei.

⁶ Nang cu khan ah na hlüngtai aih pang ung phi, Ng’nei ci gui cu na tengkhen gui ci, chang ah ng’shei ci gui cu nang ah ma ah kä ng’thup hlawt ci gui.

⁷ Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.

⁸ Nang naw na shaitak phung cu na bik khai; Bawipa, na m’hni nak cu ng’täi ci nei. Na bi mawng ah bi cu pyi phleh ne na bik khai nei.