SAM 136 - Cho Bible Common Language 2016

M’hlüngtai nak Ng’äi

¹ Bawipa cu ni ci kya sei, m’kui m’to vä; Ani ah m’hni nak cu ng’täi ci nei.

² Khanpughi avan ah dämduh pi cicu m’küi m’to vä; Ani ah m’hni nak cu ng’täi ci nei.

³ Bawipa gui avan ung hlüngtai pi bäih cicu m’küi m’to vä; Ani ah m’hni nak cu ng’täi ci nei.

⁴ Ani bäng naw küikyang aih ciah cäi aih vai gui cu m’dang ci nei; Ani ah m’hni nak cu ng’täi ci nei.

⁵ A cüivai nak awn khan kho cu pyang ci; Ani ah m’hni nak cu ng’täi ci nei;

⁶ Thuuk ciah tuinu ah khan ah khomdek cu k’süm ci; Ani ah m’hni nak cu ng’täi ci nei.

⁷ Ani naw hni la cha cu tüi pyang ci; Ani ah m’hni nak cu ng’täi ci nei.

⁸ Kho hni naw kho hnüüp avan cu uk ci; Ani ah m’hni nak cu ng’täi ci nei.

⁹ Cha la aisi gui naw khomü avan cu uk ci gui; Ani ah m’hni nak cu ng’täi ci nei.

¹⁰ Ani naw Egypt chang gui ah hta htük gui avan cu ngawn gui ci; Ani ah m’hni nak cu ng’täi ci nei.

¹¹ Israel chang gui cu Egypt kho k’pung ah hteh püi ba gui ci; Ani ah m’hni nak cu ng’täi ci nei;

¹² Cun cu khüighat ciah a kut la huham ah ciah a ban awn ah kyak ci; Ani ah m’hni nak cu ng’täi ci nei.

¹³ Ani naw tuisen tuinu cu ng’pai sak ci; Ani ah m’hni nak cu ng’täi ci nei;

¹⁴ A chang gui cu cun ah tuinu kah püi gui ci; Ani ah m’hni nak cu ng’täi ci nei,

¹⁵ Egypt ghangpughang la a gakap gui cu cun ah tui ung shum gui ci; Ani ah m’hni nak cu ng’täi ci nei.

¹⁶ Ani naw a chang gui khah püi gui ne bungpuk kan püi gui ci; Ani ah m’hni nak cu ng’täi ci nei.

¹⁷ Ani naw huham ah ciah ghangpughang gui cu ngawn gui ci; Ani ah m’hni nak cu ng’täi ci nei;

¹⁸ Ani naw mingthang ciah ghangpughang gui cu ngawn gui ci; Ani ah m’hni nak cu ng’täi ci nei;

¹⁹ Cun gui cu Sihon, Amorit ghangpughang; Ani ah m’hni nak cu ng’täi ci nei;

²⁰ Ok, Bashan ghangpughang; Ani ah m’hni nak cu ng’täi ci nei.

²¹ Ani naw ami kho gui cu ak chang gui am ap gui ci; Ani ah m’hni nak cu ng’täi ci nei;

²² Ani naw a changshäm Israel am ap gui ci; Ani ah m’hni nak cu ng’täi ci nei.

²³ Mikmi ami na tukthah gui yah ung ani naw kä m’hnih gui ci; Ani ah m’hni nak cu ng’täi ci nei;

²⁴ ani naw ga gui ah kut ung na m’hlawt gui ci; Ani ah m’hni nak cu ng’täi ci nei.

²⁵ Ani naw ak ghing phung-am ei m’bei ci nei; Ani ah m’hni nak cu ng’täi ci nei.

²⁶ Khankho khanpughi cu m’küi m’to vä; Ani ah m’hni nak cu ng’täi ci nei.