SAM 131 - Cho Bible Common Language 2016

Hniphnoi ciah Yumhtek ne Taigü

¹ Bawipa, chang ah ka ng’shei nak cu ka nawng ci, chang yawshe nak phi ka ng’hlah tak ci. A tung khak ah phi kä ka kyak ci, khüikha nak gui vai phi kä ka yum ci.

² Kei cu anu ah k’coi ung ng’pawm ciah ah hmaw hta ah mäih ah, ka yei ci, ka ding gei ci. Ka m’lung m’sin ah akyong ah ding gei ci.

³ Israel gui, tuh ngawi ungka naw kho ng’län ung Bawipa ung yumhtek vä!