SAM 130 - Cho Bible Common Language 2016

Ana M’htei vai ah Taigü

¹ Bawipa ngaih u vai kä om ciah ak thuuk nak ungka naw ka ning khü ci nei.

² O Bawipa, ka m’lau cu na ng’yak pe ä; Na na m’htei vai ka ng’khü cu na ngaih pe ä!

³ Kami katnak gui na na m’hnüt pek gui ah akyak ung, a u naw m’kyuk nak ung nak phyawn gui hlawt khai aw?

⁴ Cun ung phi na na m’geinsei gui ah akyak ung, nang ung kami m’chang m’sui khai nei.

⁵ Bawipa ah m’htei nak cu kei naw k’tha na ne, ka ging ci, ang thu ung ka zumhtek ci.

⁶ Mü m’than ngäng ci naw khüighat ne khaw thaih a gin co ah ta, khüighat pi ne, Bawipa cu ka ging ci ne.

⁷ Israel gui Bawipa ung zumhtek vä, Ani ah m’hni nak cu ng’täi ci, ani naw ak phlüt ah ning hun gui hlük ci nei.

⁸ Ani naw a chang gui Israel gui cu ami katnak avan hun gui khai.