SAM 13 - Cho Bible Common Language 2016

Ana M’htei Vai ah Taigü nak

¹ O Bawipa, kei cu a i güt na m’hnih ne, na om lä khai ang? A i güt kei ah kä ning hmuh vai ah na ng’thup khai ang?

² Kei cu a i güt gein vai ne ka om khai ang? A mü a hnüüp thüi nak naw kei ah m’lung cu a i güt be sak khai ang? A i güt kei cu ga gui naw na näng khai gui ang?

³ O Bawipa ka Khanpughi, na teng ä, na m’shang ä. Ka tha gui na be ba sak ä, kä na sih en sak ä.

⁴ Ka ga gui naw, “Kami tuk pyi ci nei” kä ci en u sä. Kei zu ng’kya ne ka ng’hlet ah phäh ah kä zei-en u sä.

⁵ Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.

⁶ O Bawipa, ng’äi ka ning m’cu khai, Kei ah khan ah na bä aih ci nei.