SAM 128 - Cho Bible Common Language 2016

Bawipa Läk ciah Chang ah Gah ah M’Cümhnah nak

¹ Bawipa cu kyih aa ne, a ng’thumkhän ung ghing ciah chang gui cu, yeikyai nak om ci.

² Na mät ah bilawh awn na ng’yak hlü küm be khai, yeikyai ne na bämang khai.

³ Na chu cu na im ung be ne m’theih ciah sapyit ng’shun ah mäih ah kyak khai. Na hta gui cu olive sing nong gui ah mäih ah ei k’phya vai khai gui.

⁴ Bawipa kyih aa ciah chang cu cun ah mäih ah hriham akcang ah gah khai.

⁵ Bawipa naw Zion m’htung ungka naw hriham ning pe sä! Jerusalem ah bämang nak cu na ghin na chuih na hmuk khai nei!

⁶ Nang naw na hta ah hta gui cun phi na hmuk khai nei! Israel gui ah khan ah dimdeeih nak om sä!