SAM 127 - Cho Bible Common Language 2016

Khanpughi ah Ni nak M’taam nak

¹ Khanpughi naw im kä a cawh ung, Im co ciah bi cu a kholä ah kyak ci; Khanpughi naw gaw kä a ngäng ung, Gaw ngäng ciah ngäng cu a kholä ah kyak ci.

² Hnun m’ghin nak vai k’tha na aih ne bi ung phi, ng’dawt ne tho ne, hnu ne ip ne kyak ung phi a kholä ah kyak ci; Bawipa naw am hni ah chang cu m’htei gui ci, ami ih yah phi m’htei gui ci.

³ Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

⁴ Nong sangung hta nak ah hta hmaw gui cu, gakap ah kut ung ciah m’la ah mäih ah kyak ci gui.

⁵ A cun ah mäih ah m’la akda tak ciah chang cu, yei ci gui, m’khoi m’cha nak ah hmun ung a ga gui awn ami ng’hmuh law ung, ga gui naw kä m’di hlawt ci gui.