SAM 124 - Cho Bible Common Language 2016

Khanpughi, A Chang gui ah Ng’yii nak

¹ Mikmi täng ah Bawipa kä a om läi ung? Israel gu m’shan vä!

² “Mikmi täng ah Bawipa kä ah om läi ung, mi ga gui naw ami na tuk law gui ung,

³ ak ghing ah na düük gui u ne, kyihshe ciah m’lungshe nak awn na tu gui khai gui nei;

⁴ Tui k’hlaw naw na hteh gui ne, Tui naw na lin gui khai nei.

⁵ M’lik tui phu ne na ngawn gui khai nei.”

⁶ Mi ga gui am kä na m’di sak gui ciah Bawipa cu mi m’hlüngtai khai nei.

⁷ Kha cuung ciah cuun ungka phyawng ciah kha ah mäih ah, mikmi cu mi phyawng ci nei. Cuun cu hnget sei, mikmi cu mi lawt ci nei!

⁸ Mikmi na m’htei gui ci cu, khankho la khomdek tüi pyang ciah Bawipa ung ka lawk ci.