SAM 122 - Cho Bible Common Language 2016Jerusalem M’taam nak 1 Ngami naw, “Bawipa ah im ah mi hteit khai nei” ami ci ung, kei ka yei ci. 2 Tuhbäi mikmi cu shin ung, Jerusalem m’kawt ah akyong lam ah mi ng’düi ci! 3 Jerusalem mang gaw cu kyom ne ng’ai khai ah ami k’süm ah kyak ci. 4 Cun cu Israel pakhui gui ah law nak ah kyak ci. Israel pakhui gui cu a thumkhän ah mäih ah Bawipa m’hlüngtai vai ah, a cu ah lawk ci gui. 5 Shin ung Israel ghangpughang gui cu ngo u ne, ami chang gui cu m’khoi cha ci gui. 6 Jerusalem ah dimdeeih nak vai ah taigü vä: Nang ning m’hni ci gui cu bämang u sä. 7 Na pang ah kyong ah dimdeeih nak om sä, na mang im kyong ah phyawn nak om sä.” 8 Ka mätyah gui la ka teihpüi gui ah hmawk ah, kei naw Jerusalem-am “Nang ung dimdeeih nak om sä” ka cik ci. 9 Mi Khanpughi Bawipa ah a im ah hmawk ah, ka taigü ci nei, na bämang vai ah. |
Cho Bible Common Language © Bible Society of Myanmar, 2016.
Bible Society of Myanmar