SAM 121 - Cho Bible Common Language 2016

Na Shung Vong gui ciah Bawipa

¹ Kei naw kho gui ka dan ci; Kei na m’htei khai a hawi ah ka lawk khai ang?

² Khankho la khomdek tüipyang ciah Bawipa ungka kei na m’htei khai cu gawk lawk ci.

³ Ani naw kä ning kyuk tän sak phung khai, Nang ning ngäng cicu angtäi sei ci m’gang ci.

⁴ Israel chang gui ngäng gui ci cu kä ku ngam düt ci.

⁵ Bawipa naw ning ngäng ci; Ani naw na pei ah om ne ning m’htei ci.

⁶ Hnüüp yah ung hni ah so ne, mü m’than ung cha ah vai sei, plawh sheh nak kä om khai.

⁷ Bawipa naw kyihkyawk nak phung ung ning shung vong khai; ani naw k’pang ne ning k’piawn khai.

⁸ Bawipa naw na hteh hton, na luh lang nak avan ung tuh ngawi ung tün ne ngawi yä ning m’htei khai.