SAM 120 - Cho Bible Common Language 2016

Ana M’htei Vai ah Taigü

¹ Kei naw ka geinvai yah ung Bawipa cu ka khü ci, ani naw na m’shang ci.

² Bawipa, hleeihlak nak la thuvi nak ungka, na hun ä.

³ Chang hleeihlak gui, Khanpughi naw nangmi ah khan ah a i ang abi kaw? A i cha ah ang aning m’kyuk gui kaw?

⁴ Gakap ah ghat ciah m’la ah mäih la asen ah cak ciah mei cak ah mäih ah kyak khai nei.

⁵ Nangmi ah ng’lung ah om cu Meshech khaw la Kedar chang gui ah ng’lung ah om tu ah mäih ah shek ci nei.

⁶ Dimdeeih nak thüi nak ciah chang gui awn atäng ah ka om cu sho aih ci nei!

⁷ Kei naw dimdeeih nak thu ka pyen ung ngami cu ng’tuk bü ci gui.