SAM 114 - Cho Bible Common Language 2016

Phyawn nak ah ng’äi

¹ Israel chang gui naw Egypt kho ami nawng shüt sangung, Jakob ah hta ng’shon gui naw cun ah kho hei ami nawng shüt sang ung,

² Judah cu Bawipa ah chang theing ah kya lawk ci, Israel cu amät ah khäm ah kya lawk ci.

³ Tuisen tuinu naw hmu neta dawng ci, Jordan tuinu cu kä lon ah ng’düm ci.

⁴ Khomhtung gui cu mehta ah mäih ah ng’hlü u ne, khogui gui cu htohta ah mäih ah ng’htawt ci gui.

⁵ Tuinu, a i ah kiyasei na dawng ang? O Jordan tuinu, a i ah kyasei na ng’düm ang?

⁶ Khomhtung gui, a i ah kyasei mehta ah mäih ah nami ng’hlü ang? Khogui gui, a i ah kya sei htohta ah mäih ah, nami ng’htawt ang?

⁷ Khomdek, Bawipa ah a law nak ung, Jakob ah Khanpughi ah ma ah ng’thüng ä,

⁸ Ani naw lung k’song cu tui shawk ah kyak sak ne, k’tou lung cu tui htalawng ah kyak sak ci.