SAM 113 - Cho Bible Common Language 2016

Bawipa ah Ninak M’Taam nak

¹ Bawipa cu m’taam nei! Bawipa ah a changshäm gui, aming cu m’taam vä!

² Ani ah aming cu tuhbäi la ngawi yä ung m’tam khah nak om sä.

³ A khei akyang avan ung Bawipa aming cu m’tamkhah vä!

⁴ Bawipa naw pakhui avan cu uk ci nei; abäimang nak cu khankho ah khan ah om ci nei.

⁵ Mi Khanpughi, Bawipa ah mäih ah a u kä om ci. Ani cu a hlüngtai gui ah khan ah om ci,

⁶ Cun ung phi ani naw kawp ne, khan kho la khomdek cu teng ci.

⁷ Ani naw dukhaih ci gui cu m’vut hmu ungka m’tho gui ne; geinvai ci gui cu ng’sawp ng’pum ungka zu chang gui ne,

⁸ Manghta gui awn atäng ah ngoh sak gui ne, akchang gui ah manghta ah kyak sak ci.

⁹ Kä hta ciah hnumi cu amät ah im ung chang m’sui ne, hta nak vai pe ne yeikyai sak ci. Bawipa cu m’taam nei!