SAM 101 - Cho Bible Common Language 2016

Ghangpughang ah Shaitaak

¹ Ka ng’äi cu bekhüt nak la taga nak ah kyak ci, cun ah ng’äi cu ka ning m’cu ci nei, Bawipa.

² Kei ah ka hnün thawh cu kä chei khai nei. A i yah ung kei ah na lawk khai aw? Kei cu ka mät ah im ah ang cim ah ka om khai,

³ akshe cu kä ka hnimgei phung khai nei. Khanpughi ah ng’hlah tak ci gui ah bilawh cu, kei naw ka thüi nak ci nei; kei cu ngami awn kä ka ng’gui ng’pha khai nei.

⁴ Kei cu kä düng ah kä ka om khai, akshe gui awn kä ka ng’khap phung khai.

⁵ Chang tumat mat akshe ah m’thüi nak ciah chang cu, kei naw ka nawng khai; chang ah ng’shei ne, chang yaw k’she nak cicu kä ka hnim gei khai.

⁶ Khanpughi ah bekhüt ci gui cu kei naw ka dou gui khai, ka mang im ung ka om sak gui khai. Akbe ah düng ciah chang naw kya ah khuut bik khai.

⁷ Kä hleeihlak ciah chang cu kei ah mang im ung om khai; kä thuvi ciah chang cu kei ah ma ah ng’düi khai.

⁸ A hnüüp, a hnüüp tä sei mi khaw ung om ciah akshe gui cu ka m’di gui khai; changshe gui cu Bawipa ah mang gaw ungka naw ka k’tääm gui khai.