SAM 100 - Cho Bible Common Language 2016

M’taam nak ah Ng’äi

¹ Khomdek chang avan naw Bawip ah ng’äi m’cu vä!

² Bawipa cu yei ne khawihnah vä; yeikyai nak ng’äi awn ama ah law vä!

³ Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.

⁴ M’hlüngtai nak awn a Pum im kawt ung lut vä; m’taam khah nak awn amang pang k’um ah hteit vä. Ani cu m’hlüngtai ne m’taam khah vä.

⁵ Bawipa cu nik ci; A m’hni nak cu ng’täi ci, Ani ah bekhüt nak cu kä ng’pyi hlawt phung ci nei.