SAM 1 - Cho Bible Common Language 2016

Ca-uk Atumat Nak ( Sam 1—41 ) Yeikyainak Akcang

¹ Yeikyai nak om ciah chang ci cu, Chang shekha ah m’shümthein ma na ne, phyawn na ne, Cheishoh ciah chang ah om k’ih kä läk ne, Khanpughi kä yum ci ung kä ng’dawn tuk ciah Chang ah kyak ci.

² Ani cu Bawipa ah thu khäm hmuteng ne, yei ne, Läk ne, Amü a hnüüp khei ne phat ciah kyak ci.

³ Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

⁴ Cun ung phi chang shekha gui cu cun ah mäih ah kä kyak ci; Ngami cu khokhi naw a yon ah ko ah mäih ah kyak ci gui.

⁵ Cheishoh ciah chang gui cu Khanpughi naw m’kyuk gui khai, Khanpughi ah chang gui awn ng’shawng sak gui khai.

⁶ Düng ciah chang gui cu Bawipa naw lam shüm gui ne, shungvong gui ci, Cun ung phi changshe gui ah hteh nak lam cu dimaih nak ung gawk khai.