RUT 1 - Cho Bible Common Language 2016

Elimelek ni Kyong Moab Kho ah Hteit ci gui.

¹ Suki gui naw ami uk sangung, cun ah kho ah kho yaw ci, Judah khaw Bethlehem ah ka chang tumat cu Moab khaw ah im tuk khai ah hteit ci, amät, akchu la a hta goi ni hteit ci gui.

² Cunah chang ah ming cu Elimelek ah kyak ci, akchu ah ming cu Naomi ah kyak ci, a hta goi ah ming cu Mahlon la chilian ah kyak ci, ngami cu Judah kho, Bethlehem Mang gaw ung ka Ephrathite gui ah kyak ci gui. Ngami cu Moab kho ah hteit ne a cu ah om tuk ci gui.

³ Cun ung phi Naomi ah cei Elimelek cu si neta, akchu la a hta hnih cu nawng shut gui ci.

⁴ Cun ah a hta goi naw Moab hnumi hnih chu nak ci goi, tumat ah chu cu Orpah ah kyak ci, a hei tumat ah chu cu Ruth ah kyak ci. Ngami a cu ah kum gha hlawk ami om tu kawn ah,

⁵ Mahlon la Chilian, ani nik hnih ci sik ci goi, cun ah kyasei cin ah hnumi cu a hta goi la a cei naw nawnng shut u sei amät om ci.

Naomi la Moab Chang A Hta goi ah Chu goi

⁶ Api shou hta khatä, Bawipa naw ami chang hui awn hriham pe sei, ei awk vai ada cu, Naomi naw ng’yak ci; cun ah kyasei a hta goi ah chu gai awn a täng ah Moab kho nawng shut ne hteh vai ah pawng ci gui.

⁷ Ngami cu Jadah kho ah hteh vai ah a täng ah hteit ci gui. Cun ung phi lams ah.

⁸ Ani naw ngani am, “Nani im ah hteit ba ne, nani nu awn a täng ah om ni ä. Khan ah phi kia, si pyi ci goi ah khan ah phi kia, nangni akni ah nani om ah mäih ah nani khan ah Bawipa naw ning m’htei goi sä.

⁹ Nang ni cei mah ba ni ne im lo khäng sei nani om vai ah Bawipa naw ning m’htei goi sä,” cine kya na goi ci. Cun kawn ah Naomi naw ng’ui goi ne ya vaih na goi ci. Cun ung phi ngani cu kyap ni neta,

¹⁰ ani am, “Ka nei, kei ni cu na chang gui ah om nak ah nang awn ataing ah kani hteit tuk khai nei” cik ci goi.

¹¹ “Naomi naw, “ka htahnumi goi, nang ni hteit tei ba niä a i ah kyasei kei awn a täng ah nani law tu hlü ang? Nang ni ning chu na tu ba goi khai ah ka hta ba khai ah nani ngai ne ma?

¹² Na ni hin ah hteit ba niä, kei cu ka ghi law aih ci, kä ka cei mah ba khai. Ngaih u vai om sei kei tuhmü cei mah ba ne, ka hta ba ah a kyak ung mä ta,

¹³ Cun gami ng’vai law güt nang ni nani ging hning khai ma? Acun güt kä cei mah ba ne nani am khai ma? Cun ah kä kya ci, ka hta hnumi gui, cun ah kä kia hning khai ah nani hunat ci nei. Bawipa naw hnu ng’tuk pü Na ng’hlah ta sei, neng Ni ah phäh ah ka thüi ci nei,” cik ci.

¹⁴ Ngani cu kyap ba mä ci goi. Orpah naw acei ah nu cum’hnam, yavaih na neta, a im ah hteit baci, cun ung phi Ruth cu a pei ah om lä ci.

¹⁵ Naomi naw ani am, “Ruth, na paihta nai cu ak chang gui la ak khanpughi ah hteit ba ci nei. Ani awn a täng ah na im ah hteit tu ba ä” cik ci.

¹⁶ Cun ung phi Ruth naw, “ka ning nawng vai ah kä na pyen vai nei! Na hteh nak päng ah, ka hteit tuk khai nei; Na om nak päng ah ka om tuk khai nei. Na chang gui cu ka chang na tuk khai, na Khanpughi cu ka Khanpughi na tuk khai.

¹⁷ Na sih nak ah ka si tuk khai aw ah ka ng’cim khai. Sih nak ah kawn ah a hei a mawng awn nang ka ning pai püi ah a kyak ung, kei cu Bawipa naw akshe pi k’bäih ah na m’kyuk sä” cik ci.

¹⁸ Ruth naw a täng ah a hteh tu vai ah ling ne a pyen cu Naomi naw hmu net a, a i phi kä pyen ba ci.

¹⁹ Ngani cu Bethlehem güt ung a täng ah law nine, gawk law ni khä ta, gawnu avan caicat ci gui, a cu ah om ciah hnumi gui naw, “Shin cu Naomi ang?” Cik ci gui.

²⁰ “Ani naw, “Naomi ah kä na khü vä,” Marah ah na khü vä a i ah kyasei ci ung hlüng tai ci khanpughi naw kei ah ghin nak cu khaa sak ci nei.

²¹ Shin ung ka, ka hteh sang ung khawh da sei ka hteit te ci, Cun ung phi Bawipa naw a ghawng ah na law püi ba ci nei. A i ah kyasei Naomi ah nami na khü ang? Kei cu hlüng Tai ciah Bawipa naw nam kyuk ne, khüi kha nak ung Na tüi ci nei,” cik ci.

²² Shin cu, Naomi la a hta ah chu Moab hnumi Rutha Moab kho ah ka ani law ba Mawng ah kyak ci. Ngani Bethlehem ah ani gawk law ah a khin cu htang m’guh tün ne ani bi law yah ah khein ah kyak ci.