NEHEMIAH 7 - Cho Bible Common Language 2016

¹ Tuhbäi, mangpaang cu cawh ba pyi, shohpaang gui phi avan a hmun ung tha pyi, Taigüim ngäng ci gui, ng’äi theing ciim m’cu ci gui, Levi ahei gui cu ami bi vai m’hnüt bäi pyi ah kyak ci.

² Kei naw Jerusalem mang gaw uk khai ah chang hnih ka tha ci: ngani cu ka nau Hanani la imgawbawi Hananiah ah kyak ci. Hananiah cu a u awn kä täng ciah ngaih gep vai, Khanpughi kyih aa ciah kyak ci.

³ Khongawi täng ah khohni akni ah kä so law pha ah chuih Jerusalem m’kawt cu kä hmawn vai, khohni ahang luh yah ung, gaw ngäng ci gui ah bimawng kä ang pyi pha ung shohcu go ne khai vai, ciah kei naw ka pyen na gui ci. Jerusalem ung om ciah chang gui ung ka, gaw ngäng khai gui tha gui neta, amshah cu m’hnüt nak bä bä ung ngäng sak gui ne, amshah cu ami mät ah im pei yung ah ami ngäng vai ah phi ka pyen na gui ci.

Omktu Khaw ah ka Law ba ci gui ah Ng’ming

⁴ Jerusalem cu mang gaw däm ah kyak ci, cun ung phi akyong ah chang akda kä om ci, im gui phi akda kä cawh pha ah kyak ci.

⁵ Chang gui, ami ng’vai gui la ami bawi gui k’bum gui ne, ami kyong chang m’hnüt gui k’tä gui vai ah Khanpughi naw kei cu na m’shumphyuk ci. Ami pha nak gui ung ka law ba htük ci gui ah m’hnüt rekawt ah mawng cu kei naw ka hmat ci, kei ah hmuh ah mawng cu shin ah kyak ci.

⁶ Omktu gui akda naw Babilon khopäng cu nawng shüt ne, Jerusalem la Judah ung law ba ci gui, ami mang gaw phäh phäh ung law ba ci gui. Ghangpughang Nebukhadnezzar naw pha ne thawng kyum ah hteh pui gui yung tün ne ami kyong chang gui cu Babilonia ah omktu ah kya ne om tuk ci gui.

⁷ Ngami ah ami ng’vai gui cu, Zerubbabela, Joshua, Nehemiah, Azariah, Raamiah, Nahamani, Mordekai, Bilshan, Mispereth, Bikvai, Nehum la Baanah ah kyak ci.

^8-25 Shin cu Israel pahta gui ah tän ah kyak ci, Ami pahta phäh phäh ah khei nak gui, omktu ah ka law ba ci gui ah kya ci: Parosh — 2,172 Shephatiah — 372 Arah — 652 Pahath Moab (Jeshua la Joab ah htangshon gui) — 2,818 Elam — 1,252 Zattu — 845 Zakkai — 760 Binui — 648 Bebai — 628 Azkad — 2,322 Adonikam — 667 Bikvai — 2,067 Adin — 655 Ater (Hezekiah ah phi ami pyen gui) — 98 Hashum — 328 Bezai — 324 Hariph — 112 Kibeon — 95

^26-38 Shin ah gawnu gui ung ami pupa gui om man ciah chang gui phi law ba ci gui: Bethlehem Netophah — 188 Anathoth — 128 Beth Azmaveth — 42 Kiriath Jearim, Chephirah la Beeroth — 748 Ramah la Geba — 621 Michmash — 122 Bethela la Ai — 123 Ahei Nebo — 52 Ahei Elam — 1,254 Harim — 320 Jerikho — 345 Lod, Hadid la Ono — 721 Sennah — 3930

^39-42 Shin cu omktu khaw ah ka law ba ciah taigü pahta gui ah kyak ci: Jedaiah (Jeshua ah ng’shon gui) — 973 Immer — 1,052 Pashhur — 1,247 Harim — 1,017

^43-45 Omktu khaw ah ka law ba ciah Levi pahta gui: Jeshua la Kadmiela (Hodaviah ah ng’shon gui) — 74 Taigüim ung tum khawng ci gui (Asaph ah ng’shon gui) — 148 Taigüim ngäng gui (Shallum, Ater, Talmon, Akkub, Hatita la Shobai ah ng’shon gui) — 138

^46-56 Omktu khaw ah law ba ci, Taigüim ung bii k’bi ah pahta gui: Ziha, Hasupha, Tabbaoth, Keros, Sia, Padon, Lebana, Hakaba, Shalmai, Hanan, Kiddela, Kahar, Reaiah, Rezin, Nekoda, Kazzam, Uzza, Paseah, Besai, Meunim, Nephushesim, Bakbuk, Hakupha, Harhur, Bazlith, Mehida, Harsha, Barkos, Sisera, Temah, Neziah, la Hatipha.

^57-59 Omktu khaw ah ka law ba ciah Solomon ah changshäm ah pahta gui: Sotai, Sophereth, Perida, Jaalah, Dazkon, Kiddela, Shephatiah, Hattila, Pochereth, Hazzebaim, la Amon.

⁶⁰ Omktu khaw ah ka law ba ciah Taigüim ung bii k’bi gui la Solomon ah changshäm gui ah htangshon gui cu 392.

^61-62 Delaiah, Tobiah, la Nekoda pahta gui Tel Melah, Tel Harsha, Cherub, Addon la Immer gawnu gui ung ka law ba ci gui cu 642 lawk ci gui, cun ung phi ngami cu Israel ah ng’shon ah ami kyak kä m’dang hlawt ci gui.

^63-64 Shin ah taigü pahta gui ah ami pupa gui cu a u ah kyak ci, ciah rekawt kä hmuh ah kyak ci; Hobaiah, Hakkoz, la Barzillai. (Barzillai taigü pahta gui ah pupa naw Kilead ung ka Bazillai pahta hnumi cu ani naw chu nak ci, apu khaw ah pahta ah ming cu la ne ang ming nak ah kyak ci.) Ngami naw ami pupa gui kä pyen hning u sei taigü ah kä ami dou gui ah kyak ci.

⁶⁵ Jew uktu naw ngami ung ka Urim la Thummim mang hning ciah taigü kä a om pha ah chuih Khanpughi am douthak ah ei kä ami ei tu vai ah pyen na gui ci.

^66-69 Omktu ah ka law ba ciah Chang avan — 42, 360 Ami changshäm hnumi pami gui — 7, 337 Ng’se gui — 736 La gui — 245 Kalauk gui — 436 Ng’sela gui — 6, 720

^70-72 Taigüim m’thawh ba nak vainak a phu cu bawm nak vai ah akda naw pek gui cu: Uktubawi 270 ghui ounces 50 Khawihnah nak ung mang ah khawk 530 Taigü gui ah suinu ng’zuung Pahta ng’vai gui naw 168 Ghui kilogram 1, 250 Ngui kilogram Ahei chang gui naw 168 Ghui kilogram 140 Ngui kilogram 67 Taigü gui ah suinu ng’zuung

⁷³ Taigü gui, Levit gui, Taigüim ung ngäng ci gui, ng’äi lam ci gui, chang hmün gui akda, Taigüim ung bii bi gui — Israel chang gui ami van — cu Judah khaw mang gaw gui la gawnu gui ung om tuk ci gui.