NEHEMIAH 12 - Cho Bible Common Language 2016

Taigü gui la Levit gui

¹ Shin gui cu Taigü la Levit gui tän gui ah kyak ci, Shealtiel ah hta Zerubbela la taigütung Joshua awn atäng ah omktu khaw ah ka law ba ci gui ah kyak ci: Seraiah, Jeremiah, Ezra, Amariah, Malluk, Hattush, Shekeniah, Rehum, Meremoth, Iddo, Kinnethoi, Abijah, Mijamin, Maadiah, Bilkah, Shemaiah, Joiarib, Jedaiah, Sallu, Amok, Hilkiah, la Jedaiah. Shin ah chang gui cu Joshua ah akhin yah ung ami taigü paw gui avan ah khan ah ng’vaihta ci gui ah kyak ci. Shin gui cu m’hlungtai ne ng’äi m’cu yeikyai nak ung tängpang ci gui ah kyak ci: Jeshua, Binnui, Kadmiela, Sherebiah, Judah, la Mattaniah.

Taigü gui: Levit gui:

⁹ Shin gui naw choir pyang ne ng’bunglan khai ah ng’äi m’cu ci gui: Bakbukiah, Unno la ami Levit-paw gui ah kyak ci.

Taigütung Joshua ah Htangshon gui

¹⁰ Joshua cu Joiakim ah pa, Joiakim cu Eliashib ah pa, Eliashib cu Joiada ah pa,

¹¹ Joiada cu Jonathan ah pa, Jonathan cu Jaddua ah pa.

Taigü Pahta gui ah Ami Ng’vai gui

^12-21 Joiakim taigütung ah akyak yah ung, shin ah taigü gui cu taigü pahta gui ah ami ng’vai gui ah kyak ci: Taigü Pahta gui Meraiah Seraiah Hananiah Jeremiah Meshullam Ezra Jehohanan Amariah Jonathan Malluchi Joseph Shebaniah Adna Harim Helkai Meraioth Zechariah Iddo Meshullam Ginnethon Zichri Abijah … Miniamin Piltai Moadiah Shammua Bilgah Jehonathan Shemaiah Mattenai Joiarib Uzzi Jedaiah Kallai Sallai Eber Amok Hashabiah Hilkiah Nethanela Jedaiah

Taigü Taigü gui la Levit Kyong khui gui ah Rekawt

²² Rekawt gui cu Levit kyong chang gui la taigü kyong chang gui ah ami ng’vai gui naw gim ci gui, cun cu shin ah taigütung gui ami ghin yah ung ah kyak ci: Eliashib, Joiada, Jonathan, la Jaddua. Darius cu Persia uktubawi ah akyak yah ung shin ah m’hnüt nak gui cu ng’pyi pyi ci.

²³ Levit kyong chang gui ah ami ng’vai gui cu Eliashib ah tu Jonathan ah akhin kä a gawk ung bäng yung ah rekawt ami tha ah kyak ci.

Taigüim ung Bilawh gui

²⁴ Hashabiah, Sherebiah, Jeshua, Binnui, la Kadmiela gui ah m’shümthein nak awn Levit gui cu ang bum gui ah pyang gui ci gui. Khanpughi ah chang, ghangpughang David ah pek gui ah m’shümthein nak ah mäih ah hnü ät ung ng’bum goi ci naw ang bunglan ah Khanpughi m’hlüngtai ne yeikyai nak ci gui.

²⁵ Shin ah Taigüim ngäng ci gui cu Taigüim m’kawt pei khawh cham gim nak ung tängpang ne ngäng ci gui ah kyak ci: Mattaniah, Bakbukiah, Obadiah, Meshullam, Talmon, la Akkub.

²⁶ Shin ah chang gui cu Jehozadak ah tu Joshua ah hta Joiakim ah akhin, uktu Nehemiah ah akhin, taigü thukhän hmat ciah Ezra ah akhin ung om ci gui ah kyak ci.

Nehemiah naw Mang gaw K’paang Ap ci

²⁷ Jerusalem mang gaw pang ap nak ung Levit gui cu ami om nak päng ungka naw law püi gui ci gui, cun ah kyasei ngami naw ng’ap nak ah pawi ung m’hlüng nak ah ng’äi gui m’cu ne htingsheei tingtäng tum ne yeikyai ci gui.

²⁸ Ng’äi m’cu ciah Leivit kyong chang gui cu Jerusalem ah pei yung la Netophah a pei gawnu gui ami om nak ung ka law ne bum lawk ci.

²⁹ Bethkilkala, Keba la Azmaveth ung ka law ci gui.

³⁰ Taigü gui la Levit gui naw ami mät ah phäh, chang gui ah phäh la m’kawt gui, mang gawpaang gui ah phäh ah akcang ah theingthap nak cu bik ci gui.

³¹ Kei naw Judah ami ng’vai gui cu mang gawpang khan ah ng’bum sak gui neta, mang gaw veing ne Khanpughi m’hlüngtai khai gui ah akdäm ciah hnih ah k’pai sak gui ne tängpang sak gui ci. Ak htük ah bum ät cu k’pat täng ah hteit ne, paang ah amwng ah khaan, ng’awt tha nak m’kawt täng ah hteit ci gui.

³² Hoshaiah naw ng’äi ci gui ah hnu ah läk gui ci, ani ah hnu ah Judah chang vai gui ateih naw läk lawk ci gui.

^33-35 Shin ah taigü gui naw phyung heng tum ne ami hnu ah läk law gui ci gui: Azariah, Ezra, Meshullam, Judah, Benjamin, Shemaiah, la Jeremiah. Cun kawn ah Zekhairiah Jonathan ah hta, Shemiah ah tu naw läk lawk ci. (Ani ah pupa gui cu Mattaniah Mikaiah la Zakkur, Asaph pahta ah kyak ci gui.)

³⁶ Ani ah hnu ah amät ah pahta chang ui naw läk lawk ci gui — Shemaiah, Azarela, Milalai, Kilalai, Maai, Nethanela, Judah la Hanani — ngami ami van naw Khanpughi ah chang, ghangpughang David ah tumkhawn man ah mäih tumkhawn gui cu kawt ci gui. Ami ng’hleh nak ung thukhän hmat ciah Ezra naw lam ma gui ci.

³⁷ Tuikhawng m’kawt ung gawk u neta, David ah mang gaw täng hlaak ung hang kai u ne, David ah mang im han kan u ne, mang gaw ah ak kyang lam, tui m’kawt paang ung ng’hlat law ba ci gui.

³⁸ Ahei, bum ät, m’hlüngtai ci gui cu k’eng lam paang ah alu täng läk läk ung htei ci gui. Kei la chang a teih naw kami läk gui ci. Keimi naw m’htut shon nak mei im tänghän cu kaan ne, paang shawng lam ah kami hteit ci.

³⁹ Cun ungka naw Ephraim m’kawt phlän ne, Jeshanah m’kawt nga m’kawt, Hananela tänghän, kum phia tänghän, phlän ne Htome m’kawt ung kami gawk ci. Kami ng’hleh nak cu Taigüim kawt pei ung kami khüt ci.

⁴⁰ Cun ah kyasei Khanpughi m’hlüngtai ciah bum goi kami van cu Taigüim pei ah kami gawk ci. Cun kawn ah be nak ah angvai gui kei awn atäng ah om ci gui,

⁴¹ shin ah taigü gui phi kei ah chang bum ah kyak ci gui: phyung heng tum ci gui, Eliakim, Maaseiah, Miniamin, Mikaiah, Elioenai, Zekhariah, la Hananiah;

⁴² ngami ah hnu ah Maaseiah, Shemaiah, Eleazar, Uzzi Jehohnan, Malchijah, Elam la Ezer naw läk lawk ci gui. Jezrahaiah lam ma sei ng’äi m’cu ci gui naw ami k’aw m’hlüng ne ng’äi m’cu ci gui.

⁴³ Cun ah hnüüp ung khawihnah nak akda douthak u ne, chang gui cu akbe ah yei ci gui, a i ah kyasei ci ung ngami cu Khanpughi naw ang htei ah a yei sak gui ah kyak ci. Hnumi gui la a hmaw gui cu cun ah pawi ung yeikyai ci gui, ngami ami van ah m’lau cu a shou nak ah ka naw ng’yak vai kyak ci.

Taigüim Kyong Khawihnah nak ung Khawihnah Ami Pek

⁴⁴ Cun ah khin ung pami gui cu, Taigüim ung ami pek tak gui ami tha nak ah khei, ngäng khai gui ah ami tha gui ah kyak ci. Cun ah khei ung bum gha bum ät, akum tä sei ami khäm law htük ah pümhtang, a theih akum tä sei ami khäm avan cu ami tha ah kyak ci. Cun ah chang gui naw ami bi vai cu, thukhän naw akthäh ah, mang gaw gui ah pei ung, ami lo gui ung ka, taigü gui la Levit gui ah phäh ah ami loh gui vai ah kyak ci. Judah chang gui ami van naw taigü gui la Levit gui cu yei na gui ci gui,

⁴⁵ a i ah kyasei ci ung ngami naw theingthap nak ah pawi gui cu bi u ne, Khanpughi naw ang thumkhän ah ahei thungyo phi ami bi ah phäh ah kyak ci. Taigüim ung tumkhawng ci gui la Taigüim ngäng ci gui naw phi ghangpughang David la a hta Solomon ah pyan ah thukhän gui ah mäih ah ami bi vai cu bik ci gui.

⁴⁶ Cau tün ne Ghangpughang David la ng’äi awm ciah Asaph ah akhin ung Khanpughi m’hlüngtai nak man cu m’tamkhah nak ah ng’äi cu ng’äi awm ci gui naw tängpang ci gui.

⁴⁷ Zerubabel ah akhin la Nehemiah a khin ung Israel chang gui ami van naw, Taigüim ung ng’äi awm ci gui la Taigüim ngäng ci gui ah phäh ah a hnüüp tä sei m’cümhnah nak cu pek ci gui. Chang gui naw theingthap ciah douthak nak cu Levit gui am thak ci gui, Levit gui naw mä ami law püi gui cu taigü gui am pek ci gui.