Biblia Todo Logo
Bib sou entènèt

- Piblisite -

KHEI NAK 2 - Cho Bible Common Language 2016


Shaum Pigaw ung Ami Tän ah Pakhui gui

1 Bawipa naw Moses la Aaron am shin ah m’shümthein nak gui cu pe goi ci.

2 Israel chang gui naw shaum pigaw ami co law ung, chang päng naw amät ah ang pai ah catai ah ka lah amät ah pahta ah alan ah ka phäh phäh ah shaum pigaw ami co vai. Shaum pigaw cu Phung avan veing ne cawh vai.

3-9 Akiang täng ah Judah ah ng’pai catai ka ah om ci gui naw ami mät ng’bum ne shaum pigaw ami co vai. Ak ka ung guk ah ami mät ah ang vai ah ka phäh phäh ah; Pakhui Angvai Khei nak Judah Nashon, Amminadab ah hta 74, 600 Issakha Nethanel, Zuar ah hta 3 54, 400 Zebulun Eliab, Helon ah hta 57, 400 Angdawn 186, 400 Judah ah ng’pai cu ma ne hteit khai.


Pakhui Angvai Khei nak

10-16 A htum täng ah Reuben ah ng’pai catai ka ah om ci gui naw ami mät ng’bum ne phung ami tuk vai. Aka ung guk ah ami mät ah angvai ah ka phäh phäh ah; Pakhui Angvai Khei nak Reuben Elizur, Shedeura ah hta 46, 500 Simeon Shelumiela, Zurishadai ah hta 59, 300 Kad Eliasaph, Duela ah hta 45, 650 Angdawn 151, 450 Reuben ah ang pai cu ak hnih nak ung hteit khai.


Pakhui Angvai Khei nak

17 Cun kawn ah ma ciah ang pai hnih la hnu ciah ang pai hnih ah ang lak ung Levit gui cu Phung kawt ne hteit khai gui. Ang pai phäh phäh cu shaum piagaw ami co ah mäih ah thuliing kawng ät awn hteit khai gui. Ami mät ah catai ka phäh phäh ah kyak khai.

18-24 Akhei täng ah Ephraim ah ang pai catai ka ah om ci gui naw, ami mät ng’bum ne shaum pigaw ami co vai. Ak ka ung guk ah ami mät ah ng’vai ah ka phäh phäh ah om khai gui. Pakhui Angvai Khei nak Ephraim, Elishama, Ammihud ah hta 40, 500 Manasseh Kalaliala, Pedazura ah hta 32, 200 Benjamin Abidan, Gideoni ah hta 35, 400 Ang dawn 108, 100 Ephraim ah ang pai cu akthum nak ung hteit khai.


Pakhui Angvai Khei nak

25-31 Asiip täng ah Dan ah ng’pai catai ka ah om ci gui naw ami mät ng’bum ne shaum pigaw ami co vai. Ak ka ung guk ah ami mät ah angvai ah aka phäh phäh ah; Pakhui Angvai Khei nak Dan Ahiezer, Ammishaddai ah hta 62, 700 Asher Pagiel, Ochran ah hta 41, 500 Naphtali Ahira, Enan ah hta 53, 400 Angdawn 157, 600 Dan ah angpai cu ak hnu ah hteit khai.


Pakhui Angvai Khei nak

32 Israel chang gui khei ne ang pai gui ung, ang bum phäh phäh ah ka ung ang dawn cu 603,550 lawk ci.

33 Bawipa naw Moses am ang thumkhän ah mäih ah Levit gui cu Israel gui awn m’dawn ne kä guk tu ah kyak ci.

34 Cun ah kyasei Bawipa naw Moses am thumkhän a pek ah mäih ah Israel chang gui naw a päng päng cu bik ci gui. Ami mät ah catai ah kaa phäh phäh ung shaum pigaw co ci gui, ami mät ah pahta phäh phäh awn hteit ci gui.

Cho Bible Common Language © Bible Society of Myanmar, 2016.

Bible Society of Myanmar
Swiv nou:



Piblisite