JOSHUA 19 - Cho Bible Common Language 2016

Simeon am Pek ah Khopäng

¹ A hnih veinak ah pek nak cu Simeom pakhui kyongchang gui ah phäh ah kyak ci. Acun ah khopäng cu Judah pakhui am pek ah khaw ung khüt ne ng’shawng ci.

² Acun ung patuk ci gui cu, Beersheba, Sheba, Moladah,

³ Hayar Shual, Balah, Eyem,

⁴ Eltolad, Bethula, Hormah,

⁵ Ziklak, Beth Markaboth, Hayar Susah,

⁶ Beth Lebaoth, la Sharuhen; mang gaw gha lei thum la angveing ung ah gawnu gui mah ah kyak ci.

⁷ Cun kawn ah Ain, Rimmon, Ether la Ashan; mang gaw phli lawk ci, ami veing ung ah gawnu gui mah ah kyak ci.

⁸ Ashin ung mang gaw gui ah angveing ungka gawnu gui avan pa ne, ahtum täng ung Baalath Beer (Käcung Ramah) k’pha ci. Shin cu Simeon pakhui kyongchang gui naw ami kaa nak vai ah ami gah ah khaw ah kyak ci.

⁹ Judah gui ah ami gah cu ng’shawng aih ci kyasei, acun ah khopäng avang hei k’pai ne, Simeon pakhui am pek ah kyak ci.

Zebulun am Pek ah Khopäng

¹⁰ Ak thum nak ah pek cu Zebulun pakhui kyongchang gui ah kyak ci. Ngami naw ami gah ah khaw cu Sarid ung khüt ci.

¹¹ A khogii cu akhei täng Mareala ung hteit ne, Dabbesheth sun pah ne, Jokneam ah a kyangtäng tuilawng ung khüt ci.

¹² Cun cu Sarid ah vangtäng ung, a kyangtäng ungka naw, Chisloth Tabor khogii ung hteit ne, cun ungka naw Deberath ung hteit ne, Japhia ung khüt ci.

¹³ Cun cu aking täng ung ng’däih ne, cun ungka naw Kath Hepher la Ethkazin ung gawk ci. Cun ungka ng’hlat ne Rimmon hteh nak lam Neah täng ung gawk ci.

¹⁴ Asiip täng khogii cu Hannathon täng ung hlat ne, Iphtahela khaw nawi ung khüt ci.

¹⁵ Acun ung pa ci gui cu, Kattath, Nahalala, Shimron, Idalah la Bethlehem ah kyak ci; mang gaw gha lei goi lawk ci, angveing ung ah gawnu gui mah ah kyak ci.

¹⁶ Shin ah mang gaw gui la ami gawnu gui cu Zebulun pakhui kyongchang gui naw ami kaa nak vai ah ami gah ah khaw ung om ci gui.

Issakha am Pek ah Khopäng

¹⁷ Ak phli nak ung pek gui cu Issakha pakhui kyongchang gui ah hmawk ah kyak ci.

¹⁸ Acun ah area ung Jeyreela, Chesulloth, Shunem,

¹⁹ Hapharaim, Shion, Anaharath,

²⁰ Rabbith, Kishion, Ebez,

²¹ Remeth, Engannim, Enhaddath, la Bethpazzez.

²² Khogii naw a sun pah cu Tabor, Shahazumah, la Beth Shemeh ah kya ne, Jordan ung khüt ci. Cun cu mang gaw gha lei chuk la angveing ung ah gawnu gui mah ah kyak ci.

²³ Shin ah mang gaw ui la ami gawnu gui cu Issakha pakhui kyongchang gui naw ami kaa nak vai ah ami gah ah khaw ah kyak ci.

Asher am Pek ah Khopäng

²⁴ Ak hma nak ah pek gui cu Asher pakhui kyongchang gui ah hmawk ah kyak ci.

²⁵ Acun ah area ung Helkah, Hali, Beten, Achshaph,

²⁶ Allam Melek, Amod, la Mishala, a hei täng ung Karmela la Shihor Libnath awn ng’chum ci.

²⁷ Akiang täng ah ng’hyah ba ung khogii cu Bethdakon ung hteit ne, Zebulun la Iphtahel khaw awi awn ng’chum ci. Asiip täng Bethemek la Neiel ah hteh nak lam ah kyak ci. Cun ungka naw k’täi ne a siiptäng ungka naw Kabul,

²⁸ Ebron, Rehob, Hammon la Kanah, Sidon güt ung gawk ci.

²⁹ Cun ungka naw khogii cu ng’hlat ne, Ramah ung gawk ne, mang gaw paang Tire ung gawk ci. Cun ungka naw Hosah täng ah ng’hlat ne, Mediteranean tuinu ung khüt ci. Acun ung Mahalab, Achzib,

³⁰ Ummah, Aphek, la Rehob; mang gaw m’ku lei goi law ne, ami ng’veing ungka gawnu gui mah ah kyak ci.

³¹ Mang gaw gui la ami gawnu gui cu Asher pakhui kyongchang gui naw ami kaa nak vai ah ami gah ah khaw ah kyak ci.

Nahtali am Pek ah Khopäng

³² A chuk nak ah pek gui cu Nahtali pakhui kyongchang gui ah hmawk ah kyak ci.

³³ Acun ah khogii cu Heleph ungka naw Zaanannim he ghing ung gawk ne, Adaminekeb la Jamnia cu kan ne, Lakkum cu pha ne Jordan tuinu ung khüt ci.

³⁴ Khogii cu cun ungka akhei täng ah hlat ne, Aynoth Tabor ung gawk ci. Cun ka naw Hukkok, ahtum täng ung Zebulun ung gawk ne, akhei täng Asher la aking täng ung Jordan ah kyak ci.

³⁵ Mangpaang mang gaw gui cu Ziddim, Zer, Hammath, Rakkath, Chinnereth,

³⁶ Adamah, Ramah, Hayor,

³⁷ Kedesh, Edrei, Enhayor,

³⁸ Yiron, Mikdalela, Harem, Bethanath la Beth Shemesh mang gaw gha lei kaw la angveing ungka gawu gui mah ah kyak ci.

³⁹ Shin ah mang gaw gui la ami gawnu gui cu Naphtali pakhui kyongchang gui naw ami kaa nak vai ah ami gah ah khaw ung om ci gui.

Dan Pakhui am Pek ah Khopäng

⁴⁰ A chih nak ah pek gui cu Dan pakhui kyongchang gui ah hmawk ah kyak ci.

⁴¹ Acun ah area ung Zorah, Esthaol, Irshemesh,

⁴² Shaalbim, Aijalon, Ithlah,

⁴³ Elon, Timnah, Ekron,

⁴⁴ Eltekeh, Kibbethon, Baalath,

⁴⁵ Jehud, Beneberak, Kathrimmon,

⁴⁶ Mejarkon, la Rakkon, acun ah mäih ah Joppa angveing khopäng avan ah kyak ci.

⁴⁷ Dan chang gui cu ami khaw shum khäta, ngami naw Laish cu hteit ne tuk ci gui. Ngami naw cun cu khäm ci gui. Cun ung chang gui ngawn u ne, acun cu kaa nak ci gui. Ngami cu acun ung ng’lei leh ne om u ne, mang gaw ah ang ming cu Laish ungka naw Dan ah sui ci gui. Cun kawn ah ami pupa gui naw Dan ah sui lawk ci gui.

⁴⁸ Shin ah mang gaw gui la gawnu gui cu Dan pakhui kyongchang gui naw ami kaa nak vai ah ami gah ah khaw ung om ci gui.

Ak Hnu ah Ami Pek gui ah Khaw

⁴⁹ Israel chang gui naw khaw ami ng’pai pyi kawn ah Nun ah hta Joshua am khaw avang a kaa nak vai ah pek ci gui.

⁵⁰ Bawipa ah ang thumkhän ah mäih ah ngami naw, ani naw akthäh ah mang gaw cu pek ci gui; Timnath Serath, Ephraim khobung kyong ung om ci, ani naw acun ung mang gaw co ba ne, acun ung om ci.

⁵¹ Taigü Eleazar, Nun ah hta Joshua, la Israel pakhui kyongchang ung ami ng’vaihta ui naw shin ah khaw k’bou gui cu, m’shüih tawk ne Bawipa ng’shithäh u neta, Shilon ung ng’pai ci gui, cun cu Bawipa ah om nak ah Phung ung valuh nak ah kyak ci. A cu cha ah ngami naw khaw ami ng’pai cu pyi phleh ci gui.