JOSHUA 15 - Cho Bible Common Language 2016

Judah am Pek ah Khopäng

¹ Judah pakhui kyong chang gui naw shin ah ami k’bou ah khawbung gui cu gah ci gui; A htum täng ung cu ahtum bäih Zin bubg ah kia ne, Edom khawgii ung khüt ci.

² Cun ah ahtum täng khawgii ungka naw htum ah yu khüt nak Tuisi tuinu ung khüt ci.

³ Cun ungka naw ahtum täng ah Akrabbim hteng la Zin ung yu gawk ci. Cun ungka naw Kadesh Banea ahtum ung hteit ne Heyron kan pah ne Addar ung khüt ci. Cung ka naw Karka täng ah ng’hlat law ba ne,

⁴ Azmon täng ah hteit ne, Egypt khawgii ah kyak ciah tuihta läk ne, Mediteranean tuinu ung khüt ci, acun ung khawgii khüt ci. Cun cu Judah khaw ah ahtum täng khawgii ah kyak ci.

⁵ Akiang täng khawgii cu tuisi tuinu ah kyak ci, cun ungka naw Jordan tuinu a kyum nak tui ng’phyeek ung khüt ci. Asiip täng khawgii cu acun ung tün ci,

⁶ Beth Hoklah ah khüt sei ng’shawng ne, a siiptäng m’htung lai ung gawk ne, Jordan khaw nawi yuk teng nak ung gawk ci, cun ungka naw Bohan lungnu ung gawk ci (Bohan cu Reuben ah hta),

⁷ Cun ungka naw khüikha khaw nawi ung hteit ne Debira ung gawk ci. Cun ungka naw a siiptäng ah ng’hlat ne kialkal ung gawk ci, acun ah ahmai lam khaw nawi ah a htumtäng ah Adummim hteng om ci. Cun ungka naw Enshemesh tuilong ung hteit ne Enrokel ung gawk ci.

⁸ Cunka naw hang kai ne, khawgui ah ahtum Hinnom khaw nawi kaan ne gawk ci, acun ung Jebusit mang gaw Jerusalem cu om ci. Khawgii cu hang däih vü ne Hinnom khaw nawi akhei täng m’htung lai ung khüt ci, cun cu Rephaim khaw nawi a siiptäng ah a khüt nak ah kyak ci.

⁹ Cun ungka naw Nephtoah tuilong ung hteit ne, Ephron m’htung pei mang gaw ung gawk ci. Cun ungka naw Baalah (Kiriath Jearim) täng ah ng’hlat ci.

¹⁰ Acun ungka ng’vei ne Baalah akhei täng Edom khawgui ung hteit ne, k’täi ne Jearim (Chesalon) m’htung a siiptäng ung hteity ne, Beth Shemesh ung yu kyum ne Timnah hei kaan ci.

¹¹ Khawgii cu cun ungka naw hteit ne, Ekron asiip m’htung ung gawk ci, cun ungka ng’hlat ne, Shikero ung hteit ne, Baalah m’htung kaan ne, Jamnia ung khüt ci. Cun cu Mediteranean tuinu ung khüt ci.

¹² Cun cu akhei täng khawgii awn ng’chum ci. Shin ah khawgii kyong ah Judah pakhui kyong chang gui om ci gui.

Kaleb naw Hebron la Debira cu Tu ne Näng ci

¹³ Bawipa naw Joshua am ang thumkhän ah mäih ah Judah khopäng ah avang cu Judah pakhui, Jephunneh ah hta Kaleb am pek ci gui. Ani naw Hebron cu gah ci, Cun cu Anah ah apa Arba ah khäm ah mang gaw ah kyak ci.

¹⁴ Kaleb naw Anah ah htangshon gui cu mang gaw ah k’pung ah k’täm gui ci, cun gui cu Sheshai, Ahiman, la Talmai pahta gui ah kyak ci.

¹⁵ Ani naw cun ungka naw hteit ne Debira ung om ciah chang gui cu tu gui ci. (Cun ah mang gaw cu Kiriath Sepher ah khü ci gui.)

¹⁶ Kaleb naw, “Kiriath Sepher tu ne näng ci am ka hta hnumi Achsah ka chu na sak khai” cik ci.

¹⁷ Othniela, Kaleb ah phäi Keney ah hta naw mang gaw cu tu ne khäm sei, Kaleb naw a hta hnumi Achsah cu chu na sak ci.

¹⁸ Ani chungla hnüüp ung Othniela naw hnumi am, apa ah khawbung akthäh vai ah pyen nak ci. Ani cu ang sela ungka kyum law khäta, Kaleb naw a i ang yak hlü ah ng’shik ci.

¹⁹ Cun ah hnumi naw, “Tui long ah om nak ka ng’ya hlük ci nei. Na na pek ah khawbung cu khaw ng’gau ah kyak ci” cik ci. Kaleb naw akhan tuilong la aka tuilong cu pek ci.

Judah Mang gaw gui

²⁰ Shin cu Judah pakhui kyong chang gui naw ami kaa nak vai ah ami gah ah khaw ah kyak ci.

²¹ A htum täng ashou nak pikbäih ung om ciah ami khäm ah mang gaw ui cu Edom khawgii pei ung om ci gui. Cun gui cu Kabyeel, Eder, Jakur,

²² Kinah, Dimonah, Adadah,

²³ Kedesh, Hayor, Ithnan,

²⁴ Ziph, Telem, Bealoth,

²⁵ Hayor, Hadattah, Kerioth Heyron (Käcung Hayor),

²⁶ Amam, Shema, Moladah,

²⁷ Hayar, Kaddah, Heshmon, Bethpelet,

²⁸ Hayar Shual, Beersheba, Biyiothiah,

²⁹ Baalah, Lim, Ezem,

³⁰ Eitolad, Chesil, Hormah,

³¹ Ziklak, Madmannah, Sansannah,

³² Lebaoth, Shilhim, Ain, Rimmon, mang gaw avan m’ku lei kaw lawk ci, ami pei yung ah gawnu gui mah ah kyak ci.

³³ M’htung nawi ung mang gaw gui cu Eshtaol, Zorah, Ashnah,

³⁴ Zanoah, Enkannim, Tappuah, Enam,

³⁵ Jarmuth, Adullam, Sokoh, Ayekah,

³⁶ Shaaraim, Adithaim, Kederah, la Kederothaim, mang gaw gha lei phli lawk ci, a pei yung ah gawnu gui mah ah kyak ci.

³⁷ Cun kawn ung om ba ciah mang gaw gui cu, Zenam, Hadashah, Mikdalkad,

³⁸ Dilean, Mizpah, Joktheel,

³⁹ Lachish, Boykath, Eklon,

⁴⁰ Kabbon, Lahmam, Chitlish,

⁴¹ Kederoth, Bethdakon, Naamah, la Makkedah, mang gaw gha lei chuk lawk ci, ami pei yung ah gawnu gui mah ah kyak ci.

⁴² Cun kawn ung om ba ciah mang gaw gui cu Libnah, Ether, Ashan,

⁴³ Iphtah, Ashnah, Nezib,

⁴⁴ Keilah, Achzib, la Mareshah mang gaw kaw lawk ci, ami pei yung ah gawnu gui mah ah kyak ci.

⁴⁵ Ekron la a gawnu gui la agaw hta gui phi om ci.

⁴⁶ Cun kawn ah Ashdod ah pei ah mang gaw gui la gawnu gui avan ah kyak ci, Ekron ungka naw Mediteranean tuinu ung khüt ci.

⁴⁷ Cun kawn ah Ashdod la Kaza cu gawnu gui la gawhta gui awn om ci gui, cun cu Egypt khawgii ung tuihta lawng la Mediteranean tuinu ung khüt ci.

⁴⁸ Khawgui täng ung mang gaw gui cu Skamir, Jattir, Sokoh,

⁴⁹ Dannah, Kiriath Shepher (käcun Debir),

⁵⁰ Anab, Eshtemoa, Anim,

⁵¹ Koshen, Holon, la Kiloh: mang gaw gha lei ät lawk ci, apie yung ah gawnu gui mah ah kyak ci.

⁵² Cun kawn ah Arab, Dumah, Eshan,

⁵³ Janim, Beth Tappuah, Aphekah,

⁵⁴ Humtah, Hebron, la Zior mang gaw kaw lawk ci, ami pawi yung ah gawnu gui mah ah kyak ci.

⁵⁵ Cun kawn ah Maon, Karmela, Ziph, Juttah,

⁵⁶ Jeyreela, Jokdeam, Zanoah,

⁵⁷ Kain, Kibeah, la Timnah mang gaw gha lawk ci, ami pei yung ah gawnu gui mah ah kyak ci.

⁵⁸ Cun kawn ah Halhul, Bethyul, Kedor,

⁵⁹ Maarath, Bethanoth, la Eltekon mang gaw chuk lawk ci, ami pei yung ah gawnu gui mah ah kyak ci.

⁶⁰ Cun kawn ah Kiriath Baala (Käcug Kiriath Jearim) la Rabbah mang gaw hnih lawk ci, ami pei yung ah gawnu gui mah ah kyak ci.

⁶¹ Khaw ng’gau khaw ung Beth Arabah, Middin, Sekakah,

⁶² Nibshan, M’shi tui mag gaw la Enkedi mang gaw chuk lawk ci, ami pei yung ah gawnu gui mah ah kyak ci.

⁶³ Cun ung phi Judah chang gui naw Jerusalem ung om ciah Jebusit gui cu kä täm hlawt ci gui. Jebusit gui cu tu ä güt Judah chang gui awn a täng ah om ci gui.