JOSHUA 12 - Cho Bible Common Language 2016

Moses naw a Hnim ah Ghangpughang gui

¹ Israel chang gui naw näng u ne ami khäm pyi ah khaw ui cu, Jordan a kyangtäng ung, Armon klhaw nawi unka naw Jordan khaw nawi, a siiptäng Hermon m’htung ung khüt ci. Ngami naw ghanpughang hnih hnim ci gui.

² Tumat ci Sihon, Heshbon uktu Amorit ghangpughang ah kyak ci. Ani ah uknak naw Kilead khaw avang k’um ci. Cun cu Arnon khaw nawi akit ah kyak ciah Aroer ung tün ne acun ah khaw nawi ah ng’lung ung mang gaw, Ammon khawgii, Jabbok tuinu ung khüt ci;

³ acun naw Jordan khaw nawi khäm ne Kalile tuili a htum ungka naw Beth Jeshimoth (Tusi tuinu akiang), cun ungka naw Piskahm’htung nawi ung khüt ci.

⁴ Ngami naw Bashan ghangpughang Ok phi hnim ci gui. Ani cu Rephaim chang ungka ak hnu bäih ah kyak ci. Ani naw Ashtaroth la Edrei cu uk te ci.

⁵ Ani ah uknak khaw cu Hermon m’htung, Salekah la Bashan khaw avan, Keshura la Maakah khawgii ung khüt ci. Kilead khaw ateih, ghangpughang Sihon ah uk Hesbon khopäng un gkhüt ci.

⁶ Shin ah ghangpughang goi cu Moses la Israel chang gui naw ami hnim ah kyak ci. Moses, Bawipa ah changshäm naw, ngami ah khaw cu Reuben la Kad pakhui la Manasseh pakhui a teih am ami kaa vai ah pe gui ci.

Joshua naw a Hnim gui ah Ghangpughang gui

⁷ Jorshua la Israel chang gui naw Jordan akhei täng khopäng gui ung ghangpughang avan hnim ci gui, Lebanon khaw nawi Baalkad ungka naw ahtum täng Edom ah pei Halak m’htung ung khüt ci. Joshua naw shin ah khaw cu k’pai gui ne, khonglän ung ami kaa nak vai ah pe gui ci.

⁸ Shin ah khawbung ung khawgui gui, a hei täng m’htung nawi gui, Jordan khaw nawi la acun ah m’htung nawi gui, a kiangtäng khaw dou la ahtum täng khaw ng’gau ung khüt ci. Shin ah khaw ung Hittit gui, Amorit gui, Kanaanit gui, Perizzit gui, Hivit gui la Jebusit gui ah pyu im gui om ci.

⁹ Israel chang gui naw shin ah mang gaw gui ah ghangpughang gui cu hnim ci gui: Jerikho, Ai (Bethela ah pei),

¹⁰ Jerusalem, Hebron,

¹¹ Jarmuth, Lachish,

¹² Eglon, Keyera,

¹³ Debira, Keder,

¹⁴ Hormah, Arad,

¹⁵ Libnah, Adullam,

¹⁶ Makkedah, Bethela,

¹⁷ Tappuah, Hepher,

¹⁸ Aphek, Lasharon,

¹⁹ Madon, Hayor,

²⁰ Shimron Meron, Achshaph,

²¹ Taanach, Megiddo,

²² Kedesh, Jokneam (Karmela khaw),

²³ Dora (Tuikem), Koiim (Kalile ah),

²⁴ la Tiryah ghangpughang avan thumkip lei ät lawk ci.