JEREMIAH 45 - Cho Bible Common Language 2016

Baruk am Khanpughi ah Shaitak

¹ Josiah ah hta Jehoiakim Judah ghangpughang ah a kyak nak akum phli nak ung, kei naw ka m’cu pek cu Baruk naw guk ci. Cun kawn ah kei naw ka m’thein ci,

² Bawipa, Israel khanpughi ah thu pyen, “Baruk,

³ nang naw na pyen ci, ‘Kei ka m’lung si ci nei! Kei ah azä nak ah khan ah Bawipa naw azä nak awn na m’khah ci nei, kei cu ka thüisei nak aih ah ka cümbawng ci nei, ng’düm nak vai kä ka hmuk ci nei.”

⁴ “Cun ung phi kei, Bawipa naw ka cawh cu phye ne, ka geit cu ka mawi ci nei kei naw shin ah khomdek avan ung ka bik khai nei.

⁵ Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.