Biblia Todo Logo
Bib sou entènèt

- Piblisite -

ISAIAH 56 - Cho Bible Common Language 2016


Khanpughi ah Changung Chang Pakhui avan Ng’khäm khai.

1 Bawipa naw a chang gi pyen ah gui ci, “Düng ci la hman cicu bi vä, kei naw ka ning hun gui ge khai.

2 Pumnak hnüüp cu akuikyang ah tha ne chei khai ah kä mang ciah chang cu kei naw hriham ka pek khai. Ashe kä bik ciah chang phung cu kei naw hriham ka pek khai.”

3 Akhohei chang, Bawipa ah chang ung ng’dawn tuk ci naw kä a pyen vai gui cu, “Bawipa naw a chang gui awn atäng ah kä na khawihnah sak khai” ciah kyak ci. Amia phyet ah chang tumat kä hta nau hning khai naw phi, ani cu khanpughi ah chang ah kä kya hlawt khai ah kä ang ngaih vai.

4 Bawipa naw a cun ah mäih ah chang am a pyen nak cu, Pumnak hnüüp a küikyang ah natha nak awn kei na m’tamkhah ne, kei ah yeikyai nak cu bi lo ne, kei ah thukhän cu bekhüt ne nak pan ah a kyak ung.

5 Na ming cu kei ah Taigüim kyong ah shüm ba khai gui, kei ah ka chang gui ah ng’lung ah htanu, htapa m’hnih gui khai.”

6 Bawipa naw a khohei chang gui cu pyen hah gui ci, ngami cu a chang gui ung ka tumat ah kya pyi ci gui, ngami naw ani cu m’hni ci gui, akhut bik ci gui, pumnak hnüüp cu aküi kyang ah tha ci gui, bekhüt ne a thukhän cu k’pang ci gui:

7 “Kei naw theing cim ciah ka m’htung Zion ung ka ning law püi gui khai, taigü nak ah ka cn ung yeikyai nak ka ning pe gui khai, ka mang kiang ung nami douthak law ah khawihnah nak cu kei naw ka dou khai. Kei ah Tigü lm cu chang pakhui avan ung chang gui ah taigü nak ah lm ah khü khai gui.”

8 Lik ciah Bawipa, a chang Israel gui omktu kho ak ka law püi ba gui ci naw, shai tak ci, a hei chang gui phi ngami ung ng’dawn law tuk khai gui ah law püi gui khai.


Israel gui ah Ng’vai gui M’shukcha gui ci.

9 Bawipa naw, khohei pakhui gui am, khisa ah mäih ah law u ne, ak chang gui ami baai gui vai ah m’thein gui ci.

10 Ani naw pyen ci, “Kei ka chang gui ng’thu k’bäi khai gui ah, ai ng’vai gui ami van cu m’dauh ci gui nei? Ngami a i kä hmat ci gut, Ngami cu im ngäng ciah uk kä ng’nak ciah mäih ah kyak ci gui — ngami cu ng’bo düt ne, ami mang she sei om ci gui. Ngami cu ih vai m’hni aih ci gui!

11 Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

12 Shin ah awktat ci gui naw, “Sapyit tui cu la ne, aknui ah mi awk khai nei? Ngawi ng cu thungawi ah ta bä tuba khai nei” cik ci gui!

Cho Bible Common Language © Bible Society of Myanmar, 2016.

Bible Society of Myanmar
Swiv nou:



Piblisite