ISAIAH 4 - Cho Bible Common Language 2016

¹ Cun ah khin a gawk law ung, hnumi chik naw pami tumat cu, ang ghitah pha ne k’pang u neta, “Keimi kami mät kami sui ei hning ci nei, cun ung phi nang cu kami ning cei ah na pyen sak gui ä, cun ung keimi ung kä ceimah ne lü ng’aa nak kä om khai nei.”

Jerusalem cu M’Than ba vai.

² Bawipa naw a phing nü la sing ghing nü cu cun ah khaw ung däin ne kyom khai ah a pyan nak ah khin gawk lawk ci, k’pawih ba ciah Israel chang avan cu khaw ung geitkaw am thawk ah phäh ah yeikyai läma khai gui.

³ Jerusalem ung ghing ne on ba ciah chang nü. Khanpughi naw k’pawih khai ah a ghü gui cu theingüim ciah khü gui khai gui.

⁴ A huhan awn Bawipa naw chang pakhui cu m’khoisha ne theithap sak khai, Jerusalem ah cheishoh nak la a cunang li ciah si cu m’si yawp khai.

⁵ Zion m’htung khan la a cun ung ngbum ci gui ami van ah khan ah khaw hnüüp yah ung Bawipa naw khawmei cu tüi law ne, khawmü sangung meikhu la meikdäi khang cu tüi lawk khai. Khanpughi ah bäinang nak naw mang gaw avan cu küm ne shungvong khai.

⁶ Ani ah bämang nak naw mang gaw cu khaw hnüü ling ung g’hnim sak ne, phyawn ciah hmun na pyang ne, khaw kaa la puikhaw ung shungshet khai.