ISAIAH 20 - Cho Bible Common Language 2016

Akplui ah Om ciah Prophet

¹ Sarkon, Assiria ghangpughang, Assirian gabawi — kbäih ah ang thu k’bäi awn philistine mang gaw Ashdod cu khäm ci gui.

² Ng’pyi pyi ciah kum thum ung Bawipa naw Amoz ah hta Isaiah am, aphahnak la athüisui asuh vai ah pyen nak ci. Ani naw awn ngai ne akplui ah phahnak kä ng’cum ne hteit hton ci.

³ Ashdod ami khäm kawn ah Bawipa naw a pyen cu, “Kei ah ka changshäm Isaiah cu khokum thum ung akplui ah phahnak kä ng’cum ne om ci nei. Cun cu Egypt la sudan ung a i ah kya lawk khai cicu m’hnüt nak ah kyak ci nei.

⁴ Assiria ghangpughang naw um ah khopäng goi ung ka apha gui ah thawngkium gui cu ami plui ah hteh püi gui khai nei. Aghi, ak hmaw, ngami cu ami plui ah phahnat kä ng’leh ne, ami khaang m’dang hteit khai gui nei, Egypt khaw cu thui ng’a sak khai gui.

⁵ Sudan ung ngaih gep ci gui la Egypt ah mawng khähghah ci gui cu, ami ngaih u nak maih sei, ak cang hmu lawk khai gui.

⁶ Cun ah khim a gawk law ung, Philistia tui kam yung ah am ciah chang gui naw, ‘Assiria ghangpughang ah kut ung ka na shungvong gui khai ah mikmi naw mi ngaih u gui ah chang gui ah khan ah, a i ah kya lawk cicu teng tu vä! A i hawkcha ghing ne mi k’pawih ba khai aw?’” cik ci gui.