ISAIAH 2 - Cho Bible Common Language 2016

Khaw Ng’täi ciah Dimdeeih nak

¹ Shin cu khawpughi naw Amoz ah hta Isaiah am a pek at Judah la Jerusalem ah a mawng ng’thu ah kyak ci:

² Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

³ ami chang gui naw, “Bawipa ah khawmhtung Israel khanpughi ah Taigüim ah mi kya khai nei. Ani naw ana bi sak gui hlü cu na m’theithang gui khai nei; mikmi cu ani ah ghü ah lam ung mi hteit khai nei. Bawipa ah m’theithang nak cu Jerusalem ung ka gawk lawk ci; Ani naw Zion ung ka naw ak chang gui ng’thu püi gui ci.”

⁴ Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.

⁵ Tuhbäi, Jakob ah hta ng’shon gui. Bawipa naw ana pek gui ah akdei ung mi hteit khai nei.

Chang ah Ng’shei ci gui M’di gui khai.

⁶ O khanpughi, Jakob ah htangshon, na chang gui cu na nawng gui pyi ci nei! Ami khaw cu akyang täng ung ka la philistia ung ka cecai nak bi nak awn be ci nei. Chang gui naw a khawhei thungyo cu läk ci gui nei.

⁷ Ami khaw cu ngui la ghui awn be ne, ami m’küm khawh cu kä ng’pyi hlawt ci nei. Ami khaw cu ng’se gui awn be sei yatha gui cu kä ng’pyi hlant khai ah da ci nei.

⁸ Ami khaw cu a gup gui awn be ci, ngami naw ami mät ah kut awn ami pyan cu khawihnah ci gui.

⁹ A chang sing cu zu ng’kia u ne, lü ng’a khai gui nei. Bawipa, kä geinsei en gui ä!

¹⁰ Ngami cu lung m’htung ah khui gui ung ng’thup khai gui, Bawipa ah m’lungshe nak ami phyawn nak vai la a huham la a bämang nak ung ka, ami ng’thuh nak vai ah k’tha na ne m’dek ung khui shawk khai gui nei!

¹¹ Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

¹² A cu hnüüp ung m’gäi ciah Bawipa naw huham mah ci phung. Chang ah ng’shei ne, chang klom ci phung yuk buh khai nei.

¹³ Ani naw Lebanon ung cedar ghing nu gui la Ba shan khaw ung oak sing avan cu m’di khai nei.

¹⁴ Ani naw hlüng ciah khawgyi khomhtung gui la,

¹⁵ tänghän hlüng gui la mang gaw k’pang gui cu pingtei sak khai.

¹⁶ Ani naw däm pikbäih ne kyom pikbäih ciah htinpaw gui phi ng’hnim sak khai.

^17-18 Chang k’am nak gui cu ng’pyi ne, chang ah ng’shei nak gui cu di yawp khai. A cu hnüüp ung a gup gui cu api ah phi kä ng’dang ba khai gui, Bawipa amät bäng m’hlüng tai nak om khai.

¹⁹ Ani naw khomdek k’thüng khai ah a law ah akyak ung, chang gui cu lung m’htung ah khui ung ng’thup khai gui, Bawipa ah m’lungshe nak ami phiawn nak vai la a huham la a bämang nak ung ka, ami ng’thuk nak vaiah k’tha na ne m’dek ung khui co khai gui.

²⁰ Cun ah hnüüp a gawk law ung ghui la ngui ann ami pyan ah a gup gui cu ngami naw ghawt khai gui, k’bui gui la palak gui ah ng’lung ah nawng gui khai gui.

²¹ Bawipa law ne khomdek ak thün law ah akyak ung, chang gui cu ani ah m’lungshe nak ami phiann nak vai la a huham la abämang nak ung ami ng’thuh nak vai ah, khui gui la lung m’htung khui gui ung k’tha na ne ng’thup khai gui.

²² Si thei ciah chang kä nami ngaih u ba vai. Ngami naw a i phu na u ne ang?