HOSEA 3 - Cho Bible Common Language 2016

Hosea la kä Bekhüt ciah Hnumi

¹ Bawipa naw kei cu na pyen nak ci, “Hteit ba mä ne am hni tuba awn pletbeng nak bik ciah hnumi am, na m’hni nak cu m’dang ä. Ahei khanpughi gui täng ah ng’hlat ne, agup gui am sapyit chawng douthak u sei phi, kei naw Israel chang gui ka m’hni gui lä ah mäih ah nang naw cun hnumi cu na m’hni vai nei.”

² Cun ah kyasei kei naw ngui phe gha lei hma la htang 150 kilokram cu ani hleih nak vai ka pek ci.

³ Kei naw ani ka pyen nak cu, kä pawmyau ne, kä pletbeng ne kei cu na na k’äih vai, acun ah khin ung kei naw phi ka ning k’äih khai.

⁴ Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

⁵ Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.