EZRA 10 - Cho Bible Common Language 2016

Khawhei Chang awn kä Ng’chungla vai ah Tängpang nak

¹ Ezra cu Taigüim ah ma ung kawp ne taigü ne, shin ah katnak gui ah phäh ah kyap ne ang coipa sangung Israel gui cu akdäm ah ng’bum u ne, pami gui, hnumi gui la a hmaw gui — naw ani cu k’bui u ne, aktung ah kyap ci gui.

² Cun kawn ah Elam pahta, Jehiela ah hta Shekaniah naw Ezra am, “Mikmi naw akhawhei hnumi gui awn ng’chungla ne, Khanpughi yum nak cu mi m’shet ci nei, Cun pang ung phi Israel gui ah phäh ah ngaih u vai om ba ci nei.

³ Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.

⁴ Shin cu nang naw na bi vai ah kyak ci nei. Keimi na hnu ah kami om ci nei. K’täi ne na bi vai nei” cik ci gui.

⁵ Cun ah kyasei Ezra naw tün ne taigü gui la Levit gui ah ami ng’vai gui la k’pawih ciah chang avan am, Shekaniah ah pyen ah mäih ah kami bik khai nei, ciah thukhän sak gui ci.

⁶ Cun kawn ah ani cu Taigüim ungka naw Eliashib ah hta Jehihanan ah om nak kyong ah hteit ne omktu chang gui ah kä bekhüt nak ah phäh ah mü lüng ne thüi kyap ci. Ani naw a i phi kä ei awk ci.

⁷ Omktu khaw ah ka law ba ciah chang avan cu Jerusalem ung ami ng’hmuh law vai ah Jerusalem la Judah khaw avan ung shä ci gui.

⁸ Cun cu chang gui ah ami ng’vai gui ah thukbäi awn ah kyak ci. Chang tumat mat cu hnüüp thum ah kyong ung kä a law tu ah a kyak ung, akhawh avan lak pek vai. Chang bum ung a om tu nak hning cu shum khai.

⁹ Hnüüp thum ah kyong ung acha kaw nak ah a hnüüp m’ku nak ung, Judah khopäng la Benjamin khopäng ung om ciah pami avan cu Jerusalem ah law u ne, Taigüim k’um ung ng’bum ci gui. Cun yah ung khaw ang htei ah aa sei, khokhi aa ah phäh la ami civui aküikyang ah phäh ah chang päng cu ng’khlet ci gui.

¹⁰ Taigü Ezra cu ng’düi law ne ng’thu pyen ci. Ani naw, “Nangmi naw akhohei hnumi gui chu na u ne, kä bekhüt nak ah cheishoh nak cu Israel gui ah khan ah nami law püi ci.

¹¹ Tuhbäi ung nami pupa gui ah Khanpughi Bawipa ah ma ah nami katnak cu ng’coipa vä. Cun kawn ah ani ah yeikyai nak vai cu bi vä, nami khaw ung om tuk ciah akhohei chang gui awn ng’khoicha ne om vä. Akhohei chang nami chu gui cu nawng gui vä” cik ci.

¹² Chang gui naw m’lau ne m’shang ci gui, “Nang naw na pyen phung cu keimi naw kami bik khai nei” cik ci gui.

¹³ Cun ung phi pyen ba u ne, “Chang da aih ci, kho phi aa aih ci, shin ah kho k’hä ung keimi kä kami ng’düi hning ci nei. Keimi chang akda naw shin ah katnak cu kami bik ci. Cun ah kya sedi hnüüp ät goi ung pyi ne bi vai ah kä kyak ci neri.

¹⁴ Kami bawi gui naw Jerusalem ung om ne shin ah mawng cu bi u sä. Akhohei chang chu nak ci phung cu k’bäi nak ah khin ung ami ng’vai gui la ami mang gaw suki gui awn atäng ah law u sä, Cu cha ah bi ung shin ah amawng ung Khanpughi ah m’lungshe nak cu ng’hlat khai nei” cik ci.

¹⁵ Cun ah tänghpang nak cu Ashahela ah hta Jonathan la Tikvah ah hta Joyeiah ah kawn ah a u naw kä hnungtuk ci. Ngami cu Meshullam la Levit Shabbethai naw ami ng’düih püi gui ah kyak ci.

¹⁶ Cun ah tängpang nak cu omktu gui naw dou ci gui. Cun ah kyasei Taigü Ezra naw pahta gui ah ami ng’vai gui ungka gui cu m’düih gui ne, ami ming cu gu gui ci. A cha gha nak ah a hnüp ät nak ung tün ne, ami tächä nak cu bi u ne,

¹⁷ A cha thum ah kyong ung khohei chang gui chu nak ciah pami gui ah mawng avan cu k’tä yawp ci gui.

Akhohei chang Hnumi Chu nak ci gui

¹⁸ Shin gui cu akhohei chang hnumi chu nak ci gui ah pami gui ah kyak ci; Joshua la aphäi nau gui ah pahta, Jehozadak ah hta gui, Maaseiah, Eliezer, Jarib la Kedaliah.

Taigü gui aphta phäh phäh ah tän ung;

¹⁹ Ngami naw ami chu gui ami nawng gui vai ah shaita u ne, ami kat ah phäh ah khawihnah nak htome hla tumat dou thak ci gui.

²⁰ Immer pahta; Hanni la Zebadiah,

²¹ Harim paht; Maaseiah, Elijah, Shemaiah, Jehiel la Uzziah.

²² Pashura pahta; Elioenai, Maaseiah, Ishmaela, Nehtanela, Joyabad la Elasah. Joyabad, Shimei, Kelaiah, (Kelita ah phi ami pyen), Pethahiah, Judah la Eliezer. Eliashib Shallum, Telem la Uri Parosh pahta: Ramiah, Izziah, Malchijah, Mijamin, Eleazar, Malchijah la Benaiah.

Levit gui Ng’äi om chang gui Taigüim ngäng ci gui Ahei gui;

²⁶ Elam pahta: Mahtaniah, Zechariah, Jehiiela, Abdi, Jeremoth la Elijah.

²⁷ Zattu pahta: Elionai, Eliashib, Mahtaniah, Jeremoth, Zabad la Aziza.

²⁸ Bebai paht: Jehihanan, Hananiah, Zabbai la Athlai.

²⁹ Bani pahta: Meshullam, Mallueh, Adaiah, Jahsub, Sheala la Jeremoth.

³⁰ Pahath Moab pahta: Adna, Chelal, Benaiah, Maaseiah, Mattaniah, Bezalela, Binnui, la Manasseh.

^31-32 Harim pahta: Eliezer, Ishijah, Malchija, Shemaiah, Shimeon, Benjamin, Malluch, la Shemariah.

³³ Hashum pahta: Mathenai, Mattattah, Zabad, Eliphelet, Jeremai, Manasseh la Shimei,

^34-37 Bani pahta: Maadai, Amram, Uel, Benaiah, Bedeiah, Cheluhi, Vaniah, Meremoth, Eliashib, Mattaniah, Mattenai, la Jassu.

^38-42 Binnui pahta: Shimei, Shelemiah, Nathan, Adaiah, Machnadabai, Shashai, Sharai, Ayarel, Shelemiah, Shemariah, Shallum, Amariah, la Joseph.

⁴³ Nebo pahta: Jeiela, Mattithiah, Zabad, Zebina, Jaddai, Joela, la benaiah.

⁴⁴ Shin gui ami van naw khohei chang chu nak ci gui. Ngami naw ami chu gui nawng gui u ne, gawt gui ne ami hta gui phi, ahei ah k’täm gui ci gui.