ATÜNNAK 5 - Cho Bible Common Language 2016

Adam Ah Htangshon Gui

¹ Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci.

² Pami la hnumi cu tüisho ne phyisä neta, Hniciim chang ah ang ming a sui ah kyak ci.)

³ Adam cu a khawkum 130 a law sangung amät ah mäih lawk ciah pami ah hta ne, aming cu Seth ah sui ci.

⁴ Cun kawn ah Adam cu khawkum 800 ghing ba ne ang shawih ah hta ba ci.

⁵ Adam cu a khawkum 930 ung sik ci.

⁶ Seth cu a khokum 105 ung pamihta ah hta ne Enosh ah sui ci.

⁷ Cun kawn ah a khawkum 807 ghing ba ne ang shawih ah hta ba ci.

⁸ Seth cu a khawkum 912 ung sik ci.

⁹ Enosh cu a khawkum 90 ung pamihta ah hta ne Kenan ah a ming sui ci.

¹⁰ Cun kawn ah khawkum 815 ghing ba ne, ang shawih ah hta ba neta,

¹¹ a khawkum 905 ung sik ci.

¹² Kenan cu a khawkum 70 ung pamihta ah hta ne Mahalalelah ah a ming sui ci.

¹³ Cun kawn ah khawkum 840 ghing ba ne ang shawih ah hta ba neta,

¹⁴ a khawkum 910 ung sik ci.

¹⁵ Mahalalelah cu a khawkum 65 ung pamihta ah hta ne, Jared ah a ming sui ci.

¹⁶ Cun kawn ah khawkum 830 ghing ba ne ang shawih ah hta ba neta,

¹⁷ a khawkum 895 ung sik ci.

¹⁸ Jared cu a khawkum 162 ung pamihta ah hta ne Enok ah a ming sui ci.

¹⁹ Cun kawn ah khawkum 800 ghing ba ne ang shawih ah hta ba neta,

²⁰ a khawkum 962 ung sik ci.

²¹ Enok cu a khawkum 65 ung pamihta ah hta ne Methuselah ah a ming sui ci.

²² Cun kawn ah a khawkum 300 güt ung Khanpughi awn atäng ah ghin om ne,

²³ a khawkum 365 güt ung ghing ne om ci.

²⁴ A ghin nak avan cu Khanpughi awn atäng ah ghin om ci. Ani cu Khanpughi naw ak thuuk ah khah püi sei ak hnu ah kä ng’dang law ba ci.

²⁵ Mehtuselah cu a khawkum 187 ung pamihta ah hta ne Lamek ah a ming sui ci.

²⁶ Cun kawn ah a khawkum 782 güt ghing ba ne, ang shawih ah hta ba neta,

²⁷ a khawkum 969 ung sik ci.

²⁸ Lamek cu a khawkum 182 ung pamihta ah hta neta,

²⁹ “Bawipa naw na m’kyuk gui sei, m’dek khan ung yaica nak ungka, shin ah a hmaw naw na hüiyaang sak gui khai nei” ci neta, a ming cu Noah ah sui ci.

³⁰ Lamek cu a khawkum 595 ghing ba ne, ang shawih ah hta ba neta,

³¹ a khawkum 777 ung sik ci.

³² Noah cu a khawkum 500 a law kawn ah pami thum ah hta ci, cun gui cu Shem, Hem, la Japheth ah kyak ci.