YÔSUĀ 12 - TÖHET LĪPÖRE (Re-edited) Bible (BSI)

Yik Rācha Minhôiṅyö Môsös

¹ Vē yin rāchakūö ngam panam, töfëli tö yik kūön Israĕl, ngaich amīnu cha-a töm panam lamuh tö Yôtön lā maneutlö tavūöi, löktökūö öp achāṙö Arnòn söl ip ṙôngö Hörmòn, keuheūtlöre Arapā inrē nö kū-ö tö lā chuhöt:

² Sihòn rācha aṅ Amôr, ök mi-iyöng Hespòn, löktökūö Arō-er nö hayöng öp i lā taseū öp achāṙö Arnòn, töp elpanam inrē ellōn öp achāṙö, ròngti inrē Kilīöt, söl ip tahël Yapòk, öp kūöngö panam yik kūön Amön.

³ Tö Arapā söl ip mai Kinneròt lā chuhöt, söl ip mai Arapā inrē, öp Sālmai, lā chuhöt ip talöökö chamuh Pĕtyesimöt; lā lòhngö inrē, lātaṙeū töp paneūti Piskē:

⁴ Öp kūöngö panam Ôk inrē rācha aṅ Pasān, aṅ i yip chöökṙen Refaim, ök mi-iyöng Astaròt Etrei inrē.

⁵ Ngaich hayöng anga-aṅ nö i Hörmòn, i Salëkah inrē, keuheūtngöre chūök i Pasān inrē, söl i kūöngö panam yik aṅ Kessuri aṅ Makati inrē, ròngti Kilīöt, öp kūöngö panam Sihòn rācha aṅ Hespòn.

⁶ Ngaich Môsös ök tarik ngam Mā Tēv tö yik kūön Israĕl inrē nö fëlngen cha: ngaich Môsös ök tarik ngam Mā Tēv nö kētö e nö amin yik Rūpön tö Kāt ròngtī miyöngö Manasē inrē.

Yik Rācha Mīnhôiyö Yôsuā

⁷ Ngaich inrē vē rācha ngam panam lamuh tö Yôtön lā sūng, vē, töfëli tö Yôsuā tö yik kūön Israĕl inrē, löktökūö Pē-alkāt el achāṙö Lepenön söl ip rôngö Halak, öp tö peūlöre nö i Sēir, ngaich kētö e ang Yôsuā nö in yik miyöngö Israĕl nö amin cha asā tūmö minchööḵlö cha;

⁸ Im rung panam, im töṙā-akūö panam, i Arapā i nup paneūti, eltönyalnyi, lā lòhngö inrē; yik Hitait, aṅ Amôr, aṅ Kanā-an, aṅ Përis, aṅ Hivait, aṅ Yëpus inrē:

⁹ Ök rācha aṅ Yerikō, hĕng tak; ök rācha aṅ Ai, ök hol Pētĕl, hĕng tak;

¹⁰ Ök rācha aṅ Yerusalem, hĕng tak; ök rācha aṅ Hepròn, hĕng tak;

¹¹ Ök rācha aṅ Yarmut, hĕng tak; ök rācha aṅ Lakis, hĕng tak;

¹² Ök rācha aṅ Ĕklòn, hĕng tak; ök rācha aṅ Kēsör, hĕng tak;

¹³ Ök rācha aṅ Tīpir, hĕng tak; ök rācha aṅ Kītër, hĕng tak;

¹⁴ Ök rācha aṅ Hòrma, hĕng tak; ök rācha aṅ Ārat, hĕng tak;

¹⁵ Ök rācha aṅ Lipna, hĕng tak; ök rācha aṅ Atulām, hĕng tak;

¹⁶ Ök rācha aṅ Makatāh, hĕng tak;

¹⁷ Ök rācha aṅ Tapuā, hĕng tak; ök rācha aṅ Heför, hĕng tak;

¹⁸ Ök rācha aṅ afek, hĕng tak; ök rācha aṅ Lasāròn, hĕng tak;

¹⁹ Ök rācha aṅ Mētòn, hĕng tak; ök rācha aṅ Hasör, hĕng tak;

²⁰ Ök rācha aṅ Simrònmëròn, hĕng tak; ök rācha aṅ Aksaf, hĕng tak;

²¹ Ök rācha aṅ Ta-anak, hĕng tak; ök rācha aṅ Meketō, hĕng tak;

²² Ök rācha aṅ Kates, hĕng tak; ök rācha aṅ Yòknīm i Kārmel, hĕng tak;

²³ Ök rācha aṅ Tōr i kui Nafetōr, hĕng tak; ök rācha aṅ Koim i Kilkāl, hĕng tak;

²⁴ Ök rācha aṅ Tīrsā, hĕng tak; ṙòkhöre yik rācha nö lūöi anāi kahōk ṙôken.