YÔNA 3 - TÖHET LĪPÖRE (Re-edited) Bible (BSI)Hang Chöngö ngam Tēv Yôna 1 Yih ngaich ngam ṙô ngam Mā Tēv nö in Yôna im innët heuh, nö ngö ṙô, 2 Chōholre, kuṙòh kiröönngöre chuh Ninĕvē hū-a in e hūkö ngam minkahten tinölô meh tö chu. 3 Lökten nö chōholre Yôna, ngaich kiröönngöre nö chuh Ninēvĕ, sā ṙô ngam Mā Tēv. Yöng tökiröng ök Ninēvĕ nö elpanam, tölūï sumkam rô-òlkūö kinröönö. 4 Ngaich Yôna nö hĕng sumkam röön nö kiröön ngaich mölnö kuhēthötre nö el ngam panam, Hū-a ngaich anga-aṅ, nö ngö ṙô, Höng fëntöre anāi nup sakāmö,ngaich min Ninēvĕ nö tiṙōli. 5 Ṙātö ellōn re ngaich yik tarik aṅ Ninĕvē nö im Tēv; ahangkö inhīkö cha-a ngaich, kahūmöre ngaich tö sāk, löktökūö tökiröng tö cha söl i manā-angkūö ṙôngòng cha. 6 Ngaich nuk inhānga nö sölta nö ik rācha aṅ Ninēvĕ, chōholre ngaich anga-aṅ nö ṙā-ag el ök kantēra re nö rācha, ṙātö nuk inyut re inrē nö ṙā-ang ò, kahūmöre ngaich anga-aṅ tö sāk, ūichhakṙen ngaich nö el tisum. 7 Ahānga ngaich anga-aṅ pirātngö e inrē nö Ninēvĕ nö i chöngö ök rācha chöngö yik mā ò inrē, nö ngö ṙô, Un rēhĕn tarik uh rēhĕn töṙeūla, nūa pököre inrē, nö kalahkö nya-aṅkūö; hökngen u un nyā-aṅvkūö, un rēhĕn nö òk mak; 8 Hökngen u pöri nö kahūmö tö sāk, tarik hĕnghöre töṙeūla inrē, hökngen u tö cha inrē nö kalē-ĕṙô nö peuinyhökūö ngam Tēv: hôṅ hökngen u tö cha inrē nö kö havööngö kūö re nö ṙā-ang i tötlöök talöököre, ṙā-ang i chanökhuṙen öp eltī cha. 9 Chīāp tö-akahalōn tö ngam Tēv min lohten nö havöötökūöre nö ṙā-al lōnre, ngaich havööngökūöre nö ṙā-ang im tökiröng lanīnöre, hòṅ hī öt lëlngö? 10 Ngaich ngam Tēv nö meuk nuk la-en cha, pò cha nö havööngökūöre nö ṙā-ang in nuk öt lanöökö cha; ngaich ngam Tēv nö ṙā-al lōnre tö ngam tötlöök, ök ṙô ò tī ò nö in cha; ngaich rö-ö anga-aṅ nö tīten tö e. |
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
Bible Society of India