NAHIMIĀ 7 - TÖHET LĪPÖRE (Re-edited) Bible (BSI)

¹ Hē kinheūten vinīlö ök kinlōngö ngaich chū-ö asöklö nuk inkūp, tö yik yōmkūö inkūp, tumkökṙôre, tö yik Lēvī inrē nö halēnlöng.

² Kē-ĕkūö ök hanöng kisānöre chū-ö Hananī ane inrē Hananiyā ök mahayöng ök tökiröng patī mā i Yērusalem, pò ò nö tömötlö kanô-en tö yik tömaṙôngö ane inrē tarik töpa-ekūö tö ngam Tēv.

³ Ngö ṙô chū-ö tö cha, Un löpnyu kūö nup inkūp Yērusalem hanöng saha ngam tavūöi nö ṙāich; yē cha inrē nö ṙònghöichṙen nö sökhaka nö aṅhaṅti hökngen cha nö öptökūö u hakālngö kūö nup inkūp inrē. Chöngu tö amahati in yip aṅ Yērusalem, kö i chūök re kö lā i patī re inrē.

Minë-eny Yip Mahavan, Ṙamā-ang El Inkövö

⁴ Pōiti ap elpanam kiröng inrē, öt pōyen pöri yik tarik aṅ e öt patī-ivö inrē tömānlöngö.

⁵ Ngaich ngam Tēv nö chaphöt e nö el kui lōn chu öich hamūl yik mā tö yik mākūö tö yik tarik inrē nö kaheuklöngö nö löktökūö lökngörit re. Kôtökūö chū-ö ngaich tök līpöre lökngörit cha yik yamih nö urĕhtöyīhih, kôtökūö chū-ö inrē tö e nö kūichö mat:

⁶ Vē yin tarik ngam panam vē yamih nö ṙā-ang el inkövö aṅ in yik töha-ötiyö yik töhalāyiyö tö Nēkupetnēsör ök rācha aṅ Pēpilön nö ha-ötiyö; havan cha-a ngaich nö i Yērusalem Yūtā inrē, kö löö elpanam re.

⁷ Hol Sērūpāpĕl cha-a nö yih, Yeūsa, Nahimiā, Asariā, Ramayā, Nahamanī, Môrtīkai, Pilsan, Mispērĕt, Pikvai, Nehum, Pa-anah. Ṙôken yik tarik Israĕl.

⁸ Kikōnyö kūön Paròs, nëtköṅny hēngòng sat anāi nët.

⁹ Kikōnyö kūön Sapatiyā, lūöyòng sat anāi nët.

¹⁰ Kikōnyö kūön Arah, tafūölòng taneui anāi nët.

¹¹ Kikōnyö kūön Pāhatmō-ap, vē kikōnyö kūön Yēsua, Yôap inrē, nët köṅny hëvhöre ṙòng hëvhör sīön

¹² Kikōnyö kūön Ēlām, hĕng köṅny nëtòng taneui anāi fën.

¹³ Kikōnyö kūön Satū, hëvhör ṙòng fën anāi taneui.

¹⁴ Kikōnyö kūön Sakkāi, sātòng tafūöl anāi.

¹⁵ Kikōnyö kūön Pinūi, tafūölòng fën anāi hëvhöre.

¹⁶ Kikōnyö kūön Pēpāi, tafūölòng nët anāi hëvhöre.

¹⁷ Kikōnyö kūön Askāt, nët köṅny lūöyòng nët anāi nët.

¹⁸ Kikōnyö kūön Atonīkam, tafūölòng tafūöl anāi sat.

¹⁹ Kikōnyö kūön Pikvāi, nët köṅny tafūöl anāi sat.

²⁰ Kikōnyö kūön Atin, tafūölòng taneui anāi taneui.

²¹ Kikōnyö kūön Atör, ang Hesikia, machūötör anāi hëvhör.

²² Kikōnyö kūön Hāsum, lūöyòng nët anāi hëvhöre.

²³ Kikōnyö kūön Pēsai, lūöyòng nët sīön.

²⁴ Kikōnyö kūön Harif, hēngòng nët sīön.

²⁵ Kikōnyö kūön Kipīön, machūötör anāi taneui.

²⁶ Tarik aṅ Pĕtlihem aṅ Nētōfah inrē, hēngòng hëvhör anāi hëvhör.

²⁷ Tarik aṅ Anatòt, hēngòng nët anāi hëvhöre.

²⁸ Tarik aṅ Pĕthāsmavet, fën anāi nët.

²⁹ Tarik aṅ Kiriatyēārim, Kēfira, Pī-eròt inrē, sātòng fën anāi lūöi.

³⁰ Tarik aṅ Ramā, Kīpā inrē, tafūölòng nët anāi kahuk.

³¹ Tarik aṅ Mikmas, hēngòng nët anāi nët.

³² Tarik aṅ Pētĕl aṅ Ai inrē, hēngòng nët anāi lūöi.

³³ Tarik aṅ öp tahëng Nēpō, taneui anāi nët.

³⁴ Kikōnyö kūön öp tahëng Elām, hĕng köṅny nëtòng taneui anāi fën.

³⁵ Kikōnyö kūön Harim, lūöyòng nët anāi.

³⁶ Kikōnyö kūön Yērikō, lūöyòng fën anāi taneui.

³⁷ Kikōnyö kūön Lot, Hatit, Ônö inrē, sātòng nët anāi kahuk.

³⁸ Kikōnyö kūön Sēna-ah, lūöi köṅny machūötör ṙòng lūöi anāi.

³⁹ Yik kūönṙô: kikōnyö kūön Yētayā, aṅ patī Yēsua, machūötör ṙòng sat anāi lūöi.

⁴⁰ Kikōnyö kūön Immer, hĕng köṅny fën anāi nët.

⁴¹ Kikōnyö kūön Pāsur, hĕng köṅny nëtòng fën anāi sat.

⁴² Kikōnyö kūön Harim, hĕng köṅny sat sīön.

⁴³ Yik Lēvi: kikōnyö kūön Yēsua, hēk Katmi-ĕl, aṅ in yik kikōnyö kūön Hōtēvah, sat anāi fën.

⁴⁴ Yik tumkökṙôre: kikōnyö kūön Asaf, hēngòng fën anāi hëvhöre.

⁴⁵ Yik yōmkūö inkūp: kikōnyö kūön Sālum, kikōnyö kūön Atör, kikōnyö kūön Talmòn, kikōnyö kūön Akkup, kikōnyö kūön Hatīta, kikōnyö kūön Sōpāi, hēngòng lūöi anāi hëvhöre.

⁴⁶ Yik tarik ök tempöl: kikōnyö kūön Sīha, kikōnyö kūön Hasūfa, kikōnyö kūön Tapaōt.

⁴⁷ Kikōnyö kūön Kēròs, kikōnyö kūön Sī-a, kikōnyö kūön Patòn.

⁴⁸ Kikōnyö kūön Lepanā, kikōnyö kūön Hakapā, kikōnyö kūön Selmai,

⁴⁹ Kikōnyö kūön Hanan, kikōnyö kūön Kītel, kikōnyö kūön Kahar,

⁵⁰ Kikōnyö kūön Rē-aya, kikōnyö kūön Rēsin, kikōnyö kūön Nëkotā,

⁵¹ Kikōnyö kūön Kāsam, kikōnyö kūön Usā, kikōnyö kūön Pasē-a,

⁵² Kikōnyö kūön Pēsai, kikōnyö kūön Meunim, kikōnyö kūön Nëfūseseim,

⁵³ Kikōnyö kūön Pakpuk, kikōnyö kūön Hakufā, kikōnyö kūön Harhur,

⁵⁴ Kikōnyö kūön Pāslit, kikōnyö kūön Mehitā, kikōnyö kūön Harsa,

⁵⁵ Kikōnyö kūön Parkòs, kikōnyö kūön Sisëra, kikōnyö kūön Tēmah,

⁵⁶ Kikōnyö kūön Nësīya, kikōnyö kūön Hatifā.

⁵⁷ Kikōnyö aṅ in yik tarik Sòlòmön: kikōnyö kūön Sōtai, kikōnyö kūön Sōfērat, kikōnyö kūön Përitā,

⁵⁸ Kikōnyö kūön Ya-ala, kikōnyö kūön Tarkòn, kikōnyö kūön Kītel,

⁵⁹ Kikōnyö kūön Safatiyā, kikōnyö kūön Pōkerethassēpaim, kikōnyö kūön Amön.

⁶⁰ Ṙòkhöre yik tarik ök tempöl tö yik kikōnyö kūön yik tarik Sòlòmön nö lūöyòng machūötör anāi nët.

⁶¹ Cha-a yin vē yamih nö ṙā-ang Telmëlāh, Telharsā, Kërup Atòn, Immer inrē, hö-ö pöri cha-a nö kô nö hameuktö patī yöng re öt rēhĕn tö löklörit cha, yē cha nö aṅ Israĕl:

⁶² Kikōnyö kūön Tēlayā, kikōnyö kūön Nëkōta, tafūölòng fën anāi nët.

⁶³ Aṅ in yip kūönṙô inrē: kikōnyö kūön Hōpay, kikōnyö kūön Parsīlai (ök kamë pīhö re tö kikānö kūön Pārsilai ök aṅ Kīlīöt ngaich minë-eny tö minë-eny cha).

⁶⁴ Lukkenre cha-a vē nö kūichhötvö nö in cha yip tökaheuklöngö nö i lökngörit re, öt kôti pöri angū-ö nö umuh, lökten cha nö öt kaheuktu nö i la-en kūönṙô pòn töthet;

⁶⁵ Ngaich ök mahayöng nö vë-eny nang cha tö cha nö ötkô nö holkūö nyamā tölngö töhet nyā-aṅkūö, hanöng saha öp kūönṙô tö-aṅhaṅv-in tö Urim tö aṅhaṅv-in inrē tö Tumim nö chōholre min.

⁶⁶ Ṙòkhöre yik tömūl nö holre nö fën anāi nët köṅny lūöyòng tafūöl anāi,

⁶⁷ Nö holre tö yik kikōnyö tarik alaha kikānö inrē tarik alaha, yik tösat köṅny lūöyòng lūöi anāi sat; ngaich cha-a inrē nö ahāṅv-in tö tönëtòng fën anāi taneui tumkökṙôre, kikōnyö kikānö inrē.

⁶⁸ Sātòng lūöi anāi tafūöl tumnòng nuk kōra cha, nëtòng fën anāi taneui tum nòng nuk töròngti nö köttö cha,

⁶⁹ Fënòng lūöi anāi taneui tum nòng nuk ūṅt cha, tafūölköṅny sātòng nët anāi tum nòng nuk köttö cha nö takô-en.

⁷⁰ Ngaich rēvre yik yöngkūö patī yöng re nö kē-ĕti nö im la-en. Ngaich ök mahayöng nö hĕng köṅny tālen (8 Kg) tī tö humlum, taneui anāi pēsön, taneūyòng lūöi anāi hilā kūönṙô.

⁷¹ Ngaich rēvre kamë-eṅti nö el chūök rupīö nö im la-en nët anāi köṅny tērik (168 Kg) humlum nët köṅny nëtòng minā (1,250 Kg) rupīö.

⁷² Ngaich tī yik tö-ōtngöre tarik nö kē-ĕti nët anāi köṅny tālen (168 Kg) humlum, nët köṅny minā (140 Kg) rupīö, tafūöl anāi sat hilā kūönṙô.

⁷³ Lökten yik kūönṙô, Lēvī, yōm kūö inkūp, tumkökṙôre, rīkre inrē tarik, yik tarik ök tempöl, ṙòkhöre yik Israĕl inrē mi-īyöng elpanam re. Hē yanīhih ngam sinātö chingëṅt, yik kūön Israĕl nö elpanam re.