Sòm 98 - Bib Sen An: Kreyòl Ayisyen

Yon Sòm

¹ O chante a SENYÈ a yon chan tounèf, paske Li te fè anpil bèl mèvèy. Men dwat Li ak bra sen Li yo te vin genyen viktwa pou Li.

² SENYÈ a te fè sali Li rekonèt. Li te devwale ladwati Li pou tout nasyon yo wè.

³ Li te sonje lanmou dous Li a avèk fidelite Li pou lakay Israël.

⁴ Rele fò ak jwa a SENYÈ a, tout latè! Eklate ak chanson, wi chante lwanj Li yo!

⁵ Chante lwanj a SENYÈ a avèk ap, avèk ap ak vwa melodi a.

⁶ Avèk twonpèt ak son a kòn. Rele fò devan Wa a, SENYÈ a.

⁷ Kite lanmè a fè gwo bri ak tout sa ki ladann, Lemonn ak tout sa ki rete ladann yo.

⁸ Kite larivyè yo bat men yo. Kite mòn yo chante ansanm ak jwa

⁹ devan SENYÈ a, paske l ap vini pou jije latè. Li va jije lemonn ak ladwati Li E pèp yo avèk jistis.