Sòm 82 - Bib Sen An: Kreyòl Ayisyen

Yon Sòm Asaph

¹ Bondye vin kanpe nan mitan pwòp asanble Li a. Li fè jijman nan mitan dye yo.

² Pou konbyen de tan nou va jije san jistis, e montre favè a mechan yo?

³ “Fè defans fèb yo ak òfelen yo. Fè jistis a aflije ak malere yo.

⁴ Sove fèb yo ak malere yo. Delivre fè yo sòti nan men a mechan yo.”

⁵ Yo pa konnen ni yo pa konprann. Yo mache toupatou nan fènwa. Tout fondasyon tè yo fin souke nèt.

⁶ Mwen te di: “Se dye ke nou ye, e nou tout se fis a Pi Wo a.

⁷ Sepandan, nou va mouri tankou moun, e tonbe tankou nenpòt nan prens yo.”

⁸ Leve, O Bondye, jije tè a! Paske se Ou ki posede tout nasyon yo.