Sòm 70 - Bib Sen An: Kreyòl Ayisyen

Pou direktè koral la; Yon Sòm David. Yon souvni

¹ O Bondye, fè vit pou delivre mwen. O SENYÈ, fè vit pou ban m sekou!

² Kite sila k ap chache lavi m yo vin wont e imilye. Kite sila ki pran plezi nan fè m mal yo vire fè bak ak dezonè.

³ Kite sila ki di: “ah, ah!” yo vire fè bak akoz wont yo.

⁴ Kite tout moun k ap chache Ou yo rejwi e fè kè kontan nan Ou. Kite sila ki renmen sali Ou yo di tout tan: “Kite Bondye egzalte”.

⁵ Men mwen aflije e mwen nan nesesite. Fè vit vin kote mwen, O Bondye! Se Ou menm ki sekou mwen ak delivrans mwen. O SENYÈ, pa mize.