Sòm 54 - Bib Sen An: Kreyòl Ayisyen

a David, lè Zifyen yo te vin di Saül: “Èske David pa kache pami nou?”

¹ Sove mwen, O Bondye, ak non Ou e fè vanjans mwen ak pouvwa Ou.

² Koute lapriyè mwen, O Bondye. Prete zòrèy a pawòl a bouch mwen.

³ Paske etranje yo fin leve kont mwen. Moun vyolans yo te chache lavi mwen. Yo pa t mete Bondye devan yo.

⁴ Gade byen, Bondye se èd mwen. SENYÈ a se soutyen a nanm mwen.

⁵ Li va rekonpanse mal a lènmi mwen yo. Detwi yo nan fidelite Ou.

⁶ Avèk bòn volonte, mwen va fè sakrifis a Ou. Mwen va bay remèsiman a non Ou, O SENYÈ, paske li bon.

⁷ Paske Li te delivre mwen nan tout twoub. Konsa, zye mwen te wè ak kè kontan, defèt lènmi m yo.