Sòm 2 - Bib Sen An: Kreyòl Ayisyen

¹ Poukisa nasyon yo ap boulvèse konsa, e pèp yo fòmante yon vye bagay?

² Wa latè yo pran pòz yo e chèf yo pran konsèy ansanm kont SENYÈ a, e kont onksyone pa Li a:

³ “Annou chire chenn sa yo, e jete kòd ki mare nou yo!”

⁴ Sila ki chita nan syèl la ri; SENYÈ a ap moke yo.

⁵ Anplis, Li va pale avèk yo nan kòlè Li. Li va fè yo sezi nan kòlè Li.

⁶ Men pou Mwen menm, Mwen fin plase Wa Mwen an sou Sion, mòn sen Mwen an.

⁷ Anverite, Mwen va pale selon deklarasyon SENYÈ a; SENYÈ a te di Mwen: “Ou se Fis Mwen. Se jodi a, Mwen te fè Ou.

⁸ Mande Mwen, e Mwen va bay Ou nasyon yo kon eritaj, jis rive nan dènye pwent latè kon posesyon pa Ou.

⁹ Ou va kase yo avèk yon baton fè, Ou va kraze yo tankou veso kanari.”

¹⁰ Konsa, O wa yo, sèvi ak sajès. Fè atansyon, O jij sou latè yo.

¹¹ Adore SENYÈ a avèk gran respè e rejwi avèk tranbleman.

¹² Fè omaj a Fis la, pou L pa vin fache, epi ou ta mouri nan chemen an. Paske gwo chalè Li kab limen ase vit. A la beni se tout sila ki kache nan Li.