Sòm 14 - Bib Sen An: Kreyòl Ayisyen

Pou direktè koral la; yon sòm David

¹ Moun fou a di nan kè l: “Nanpwen Bondye.” Yo konwonpi. Yo te fè zak abominab. Nanpwen ki fè sa ki bon.

² SENYÈ a te gade anba soti nan syèl la sou fis a lòm yo pou wè si genyen ki konprann, k ap chache Bondye.

³ Yo tout te vire akote. Ansanm yo te vin konwonpi. Nanpwen ki fè sa ki bon, pa menm youn.

⁴ Èske tout malfektè inikite yo pa konnen, sila Ki manje pèp mwen yo tankou y ap manje pen an, san yo pa rele SENYÈ a?

⁵ La, yo nan gwo danje, paske Bondye rete avèk jenerasyon ki dwat la.

⁶ Nou meprize bezwen aflije a, men SENYÈ a se refij li.

⁷ O ke sali Israël la ta sòti nan Sion! Lè SENYÈ a restore pèp kaptif li a, Jacob va rejwi, e Israël va gen kè kontan.